இங்கிலாந்து ராணி எலிசபெத் ஜேம்ஸ் பாண்ட் படத்தின் ஒரு காட்சியில் நடித்த வீடியோ தற்போது சமூக வலைதளங்களில் வைரலாகி வருகிறது.

இங்கிலாந்து மகாராணி நேற்று உயிரிழந்தது உலக அளவில் சோகத்தை ஏற்படுத்தி இருக்கிறது. அவருக்கு அரசியல், சினிமா பிரபலங்கள் மற்றும் பொதுமக்கள் பலரும் இரங்கல் தெரிவித்து வருகின்றனர்.

இத்தகைய சூழலில், மகாராணி எலிசபெத்தின் வரலாறுகள், அவர் குறித்த வீடியோக்கள் மற்றும் புகைப்படங்கள் போன்றவை தற்போது சமூக வலைதளங்களில் பெயர்களாக துவங்கியுள்ளன. அந்த வகையில், தற்போது இரண்டாம் எலிசபெத் ஜேம்ஸ் பாண்ட் படத்தின் ஒரு காட்சியில் நடித்த வீடியோ இணையத்தில் வைரலாகி வருகின்றது.

Best monarch ever pic.twitter.com/3RFSW9xYhj

— Rupert Myers (@RupertMyers) September 8, 2022

கடந்த 2012ல் ராணி எலிசபெத் லண்டன் ஒலிம்பிக் போட்டிக்கான துவக்க விழாவில் பங்கேற்றார். அவரை அறிமுகப்படுத்த ஜேம்ஸ்பாண்ட் பட காட்சியில் நடிப்பது போல ஒரு காட்சி படமாக்கப்பட்டது. அந்த காட்சியில் நடிகர் டேனியல் கிரேக்குடன் இணைந்து எலிசபெத் நடித்திருந்தார். அதில் அரண்மனையில் ராணியை சந்திக்கும் ஜேம்ஸ் பாண்ட் ராணியை ஹெலிகாப்டரில் அந்த நிகழ்ச்சிக்கு அழைத்துச் செல்கிறார். 

அரங்கத்திற்கு செல்லும் முன் இருவரும் பாராசூட்டில் இருந்து குதிக்கின்றனர். விழாவின் தொடக்கமாக இந்த காட்சி அமைந்தது. இதில் நடிக்க அவரே ஆர்வத்துடன் இருந்ததாகவும் ல், இதில் அவரை நடிக்க வைக்க எந்த விதமான சமரசமும் தேவைப்படவில்லை என்றும் நடிகர் டேனியல் கிரேக் ஒரு நேர்காணலில் தெரிவித்திருந்தார்.