கேரளாவைச் சேர்ந்த ராஜிவ் அரிகட் என்பவர்  அபுதாபியில் கட்டிட கலை நிபுணராக  பணியாற்றி வருகிறார். அதிர்ஷ்டத்தின் மேல் நம்பிக்கையுள்ள அவருக்கு  லாட்டரி சீட்டுகளை வாங்கும் வழக்கம் உள்ளது. 

இந்நிலையில், அபுதாபி ஏர்போர்ட்டில் விற்பனை செய்யப்பட்ட, 'பிக் டிக்கெட் அபுதாபி' எனும் லாட்டரிச் சீட்டை வாங்க, ராஜிவுடன்  அலுவலகத்தில் பணியாற்றும் சக இந்திய ஊழியர்கள் முடிவு செய்தனர்.  கடந்த வாரம் இவர் உட்பட நிறுவனத்தில் பணியாற்றும் 19 பேர் இணைந்து, வாராந்திர லாட்டரி சீட்டுகள் ரெண்டை வாங்கினர். அந்த சீட்டுக்கு இலவசமாக நான்கு சீட்டுகள் கிடைத்தன.

இந்த லாட்டரிக்கான  குலுக்கல், கடந்த பிப்., 5ம் தேதி நடைபெற்றது. அதில், ராஜிவ் பெற்ற இலவச லாட்டரி சீட்டுக்கு 33 கோடி ரூபாய் பரிசு கிடைத்தது.இது குறித்து அவர் கூறுகையில், கடந்த மூன்று ஆண்டுகளாக அபுதாபியில் லாட்டரி சீட்டுகளை வாங்குகிறேன். ஒவ்வொரு முறை லாட்டரி சீட்டு வாங்கும் போதும் பரிசு கிடைத்துவிடும் என நினைப்பேன். அது இந்த முறை நனவாகி உள்ளது என்கிறார்.

மேலும்,அலுவலகத்தில்  என்னுடன் பணியாற்றும் 30,000 ரூபாய் சம்பளத்தில் உள்ள உதவியாளர் உள்ளிட்ட சாதாரண பணியாளர்களுடன் சேர்ந்துதான் இந்த லாட்டரி சீட்டுகளை வாங்கினோம் . இந்த பரிசுத் தொகையை 19 பேரும் சமமாக பகிர்ந்து கொள்வோம் என்றார். பணம் வந்தவுடன் மனசு மாறாமல் தொகையை அனைவருக்கும் பிரித்து கொடுக்க முன் வந்திருப்பது ஆச்சரியத்தை ஏற்படுத்தியுள்ளது.