ஹோட்டல் மேற்கூரையில் விழுந்த ஹெலிகாப்டர் - நொடியில் நடந்த பயங்கரம்.!
one man died helicopter accident in austrelia
ஆஸ்திரேலியாவில் பிரபல நட்சத்திர ஹோட்டலின் மேற்கூரையில் ஹெலிகாப்டர் ஒன்று விழுந்து விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது.
ஆஸ்திரேலியா நாட்டில் உள்ள வடக்குப் பகுதியில் உள்ள கெய்ர்ன்ஸ் நகரில் இயங்கி வரும் ஹில்டன் டபுள் ட்ரீ ஹோட்டலின் நீச்சல் குளம் அமைந்துள்ள மேற்கூரையில் இன்று அதிகாலை விமானி உட்பட இரண்டு பேர் பயணம் செய்த ஹெலிகாப்டர் ஒன்று விழுந்து விபத்துக்குள்ளானது.
இந்த விபத்தில் ஹெலிகாப்டர் தீப்பற்றி எரிந்ததால் விமானி சம்பவ இடத்திலேயே பரிதாபமாக உயிரிழந்துள்ளார். இந்த சம்பவம் குறித்து தகவலறிந்து வந்த மீட்புப் படையினர் ஹோட்டலில் இருந்த 100க்கும் மேற்பட்டோரை அங்கிருந்து மீட்டுள்ளனர்.
வானத்தில் பறந்துகொண்டிருந்தபோது ஹெலிகாப்டர்களின் இரண்டு புரொபெல்லர்களும் செயலிழந்ததால் இந்த விபத்து ஏற்பட்டுள்ளது. இந்த சம்பவம் தொடர்பான வீடியோ தற்போது வெளியாகியுள்ளது.
English Summary
one man died helicopter accident in austrelia