சாட்டையால் அடித்துக்கொண்டு நடனமாடிய ராகுல் காந்தி - வலைதளத்தில் வைரலாகும் வீடியோ.!
ragul gandhi pathayathra telungaana state
முன்னாள் காங்கிரஸ் கட்சியின் தலைவரும், வயநாடு மக்களவைத் தொகுதி எம்.பி-யுமான ராகுல் காந்தி, குமரி முதல் காஷ்மீர் வரை ஒற்றுமை பாதயாத்திரை பயணம் மேற்கொண்டுள்ளார். அதில், தமிழகம், கேரளா, கர்நாடகா மாநிலங்களைக் கடந்து தற்போது, தெலங்கானாவில் பயணம் மேற்கொண்டுள்ளார்.
இந்நிலையில், 57 ஆவது நாளான இன்றைய ஒற்றுமை பாதயாத்திரை பயணம் தெலங்கானா மாநிலத்தில் உள்ள சங்காராரெட்டி மாவட்டத்தில் பட்டஞ்சேறு பகுதியில் இருந்து தொடங்கப்பட்டது.
அப்போது ராகுல்காந்தி, அங்கு கொண்டாடப்படும் பொனாலு பண்டிகையில் கலந்து கொண்டார். அந்த பண்டிகையில் பழங்குடியின மக்களால் மேற்கொள்ளப்படும் பாரம்பரிய நடனத்தை ராகுல்காந்தி கண்டு ரசித்த பின்னர், அவரும் அந்த நடனத்தில் கலந்து கொண்டார்.
இதையடுத்து, அந்த பண்டிகையில் ஒருவர் தன்னை தானே சாட்டையால் அடித்துக் கொண்டு நடனம் ஆடினார். அதை பார்த்த ராகுல்காந்தி, அவர் வைத்திருந்த சாட்டையை வாங்கி தன்னை தானே அடித்துக்கொண்டார். இது தொடர்பான புகைப்படங்களும் வீடியோ காட்சிகளும் சமூக வலைதளங்களில் வேகமாக பரவி வைரலாகி வருகிறது.
English Summary
ragul gandhi pathayathra telungaana state