குளியலறைக்கு அணிந்து செல்லும் சாதாரண ஹவாய் செப்பல் போல் இருக்கும் ஒரு செருப்பின் விலை 1 லட்ச ரூபாய் என்று இன்டர்நெட்டில் பரவி வருகிறது. அப்படி என்ன இருக்கிறது இந்த செருப்பில் என்று நெட்டிசன்கள் பொங்கி வருகின்றனர். 

இவ்வளவு விலை வைத்து விற்கப்படும் இந்த செருப்பு சவுதி அரேபியாவின் குவைத்தில் உள்ள ஒரு செருப்புக் கடையில் தான் விற்கப் படுகிறது. இந்த செருப்பு சுமார் 4 ஆயிரத்து 500 ரியால்களுக்கு குவைத்தில் விற்கப் படுகிறது. இதன் இந்திய ரூபாய் மதிப்பு கிட்டத்தட்ட 1 லட்சம் ஆகிறது. 

இதுகுறித்து ட்விட்டர் தளத்தில் ஒரு பதிவில், "இந்த ஃபேஷன் செப்பலின் பெயர் சனோபா என்றும், இதன் மதிப்பு 4 ஆயிரத்து 500 ரியால் என்றும் குறிப்பிடப் பட்டுள்ளது. இதையடுத்து நெட்டிசன்கள் இந்த பதிவில் இந்த சாதாரண செருப்புக்கு இவ்வளவு விலையா" என்று பொங்கி வருகின்றனர். 

நாம் டாய்லெட் போகும்போது பயன்படுத்துவது போல் உள்ள செருப்பின் வில்லை 1 லட்சமா? என்றும், இந்த செருப்பு இந்தியாவில் வெறும் 60 ரூபாய் தான் என்றும், மற்றொருவர் இல்லை இது வெறும் 30 ரூபாய்க்கு கூட கிடைக்கும் என்றும், இது எங்கள் ஊரில் ஹவாய் ஸ்லிப்பர் என்று அழைக்கப்படுகிறது என்றும் நெட்டிசன்கள் அந்தப் பதிவில்   பொங்கி வருகின்றனர். 

மேலும் இதுகுறித்து நெட்டிசன்கள், "இது மோசடியின் உச்சமாக உள்ளது. பணக்காரர்களிடம் எதை வேண்டுமானாலும் எவ்வளவு விலை வைத்தும் விற்று விடலாம் என்று தற்போது வியாபாரிகள் நினைக்க ஆரம்பித்து விட்டார்கள்" என்று கமெண்ட் செய்து வருகின்றனர்.