தொடரும் சோகம்.....மேற்கு கரை பகுதியில் இஸ்ரேல் கொடூர தாக்குதல்...மேலும் 9 பாலஸ்தீனியர்கள் பலி!

கடந்த ஆண்டு அக்டோபர் மாதம் இஸ்ரேல் மீது ஹமாஸ் அமைப்பு கொடூர தாக்குதல் நடத்தியது. இந்த தாக்குதலில் இஸ்ரேல் மக்கள் பலர் படுகொலை செய்யப்பட்ட நிலையில், பணய கைதிகளாக சிலர் சிறை பிடிக்கப்பட்டனர்.

இதிலிருந்து இருந்து, இரு தரப்பினருக்கும் இடையேயான மோதல் முற்றியுள்ளது. இதில், மேற்கு கரை பகுதி, காசா உள்ளிட்ட பகுதிகளில் இஸ்ரேல் தாக்குதல் நடத்தி வந்தாலும், காசாவை இலக்காக கொண்டு இஸ்ரேல் நடத்தி வரும் தாக்குதலில் 40 ஆயிரத்திற்கும் மேற்பட்ட பாலஸ்தீனியர்கள் பலியாகி உள்ளனர்.

மேற்கு கரை பகுதியில் இதுவரை 600 பாலஸ்தீனியர்கள் கொல்லப்பட்டு உள்ள நிலையில், இஸ்ரேலின் இதுபோன்ற திடீரென நடத்தப்படும் தாக்குதலில் பலரும் பலியாகி உள்ளனர். இந்நிலையில், துபாஸ் பகுதியில் 7 பேர் இன்று காலை உயிரிழந்ததாகவும், ஜெனின் பகுதியில் 2 பேர் உயிரிழந்ததாகவும் பாலஸ்தீனிய சுகாதார அமைச்சகம் தெரிவித்துள்ளது. இந்த தாக்குதலில் பலியானவர்கள், ஜெனின் பகுதியினை சேர்ந்த குவாசம் ஜபரின் மற்றும் ஆசிம் பாலவுட் என்பது அடையாளம் காணப்பட்டுள்ளது.