மீண்டும் கார் ரேஸில் களமிறங்கும் அஜித்குமார் - உற்சாகத்தில் ரசிகர்கள்.!
actor ajithkumar participate car racing
தமிழ் சினிமாவின் முன்னணி நடிகர்களில் ஒருவரான அஜித்குமார், தற்போது மகிழ் திருமேனி இயக்கத்தில் 'விடாமுயற்சி' படத்திலும் ஆதிக் ரவிச்சந்திரன் இயக்கத்தில் 'குட் பேட் அக்லி' படத்திலும் நடித்து வருகிறார். இந்த படங்களின் படப்பிடிப்பு பணிகள் ஓரளவு முடிந்து விட்டன.
இவர் நடிப்பதுடன் பைக் மற்றும் கார் ஓட்டுவதிலும் அதிக ஆர்வம் உள்ளவர். கடந்த சில தினங்களுக்கு முன்னர் 'அஜித்குமார் ரேஸிங்' என்ற பெயரில் புதிய கார் ரேஸ் அணியை உருவாக்கியுள்ளார். இந்த அணியின் உரிமையாளர் மற்றும் முதன்மை ஓட்டுநராக அஜித் செயல்படுவார்.
இதற்கிடையே வரும் 2025 ஆம் ஆண்டு ஜனவரி மாதம் துபாயில் நடைபெற உள்ள கார் ரேஸிங்கில் அஜித் குமார் மற்றும் அவரது ரேஸிங் அணியுடன் கலந்துகொள்ள உள்ளார். இதற்காக அவர் தீவிர பயிற்சியில் ஈடுபட்டுள்ளார். இந்த நிலையில், நடிகர் அஜித் குமார் தற்போது தனது ரேஸிங் காரை அறிமுகப்படுத்தியுள்ளார்.
அதில், தமிழ்நாடு விளையாட்டு மேம்பாட்டு ஆணையத்தின் லோகோவை தனது நிறுவனத்தின் காரில் ஒட்டியுள்ள புகைப்படம் மற்றும் அந்த கார் மற்றும் தனது அணியுடன் அஜித் இருக்கும் புகைப்படங்களும் சமூக வலைதளங்களில் வெளியாகியுள்ளது. இது அஜித்குமாரின் ரசிகர்களின் மத்தியில் உற்சாகத்தை ஏற்படுத்தியுள்ளது.
English Summary
actor ajithkumar participate car racing