அய்யப்ப மாலை அணிந்தபடி தர்காவில் வழிபாடு செய்த ராம்சரண்..!
actor ram saran worshiped in dargah wear ayyapan malai
தெலுங்கு சினிமாவின் முன்னணி நடிகரான ராம் சரண், தற்போது இயக்குனர் ஷங்கர் இயக்கத்தில் 'கேம் சேஞ்சர்' என்ற திரைப்படத்தில் நடித்து இருக்கிறார். ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு தயாரிக்கும் இந்தப்படத்திற்கு தமன் இசையமைத்துள்ளார்.
இந்த படத்தில் ராம் சரணுடன் கியாரா அத்வானி, எஸ்.ஜே.சூர்யா, அஞ்சலி, ஸ்ரீகாந்த், சமுத்திரக்கனி உள்பட பல முன்னணி நடிகர்கள் முக்கிய கதாபாத்திரங்களில் நடித்துள்ளனர். இந்தப் படம் பொங்கல் வெளியீடாக அடுத்தாண்டு ஜனவரி 10-ந் தேதி திரைக்கு வரவுள்ளது.
இந்த நிலையில் நடிகர் ராம் சரண் சபரிமலை அய்யப்பன் திருக்கோவிலுக்கு மாலை அணிந்துள்ளார். அத்துடன் ஆந்திர மாநிலம் கடப்பாவில் உள்ள புகழ்பெற்ற அமீன்பீர் பெரிய தர்காவில் நடைபெற்ற 80வது தேசிய முஷைரா கஜல் நிகழ்ச்சியில் கலந்துகொண்டு வழிபாடு செய்துள்ளார்.
மூன்று மாதங்களுக்கு முன்பே இசையமைப்பாளர் ஏ.ஆர்.ரகுமான் அழைப்பு விடுத்த நிலையில், தற்போது சபரிமலைக்கு மாலை அணிந்து நிலையில் வருகை புரிந்துள்ளார். இவரின் வருகையை அறிந்து கடப்பா நகரம் முழுவதும் ரசிகர்கள் பெருமளவில் திரண்டு அவருக்கு வரவேற்பு அளித்தனர்.
English Summary
actor ram saran worshiped in dargah wear ayyapan malai