சென்னை விமானத்தில் இறந்த நிலையில் பெண் சடலம் மீட்பு.!
women body rescue in chennai airport
சென்னைக்கு வந்த விமானம் ஒன்றில் பெண் பயணி ஒருவர் இன்று இறந்த நிலையில் கிடந்த சம்பவம் பெரும் பரபரப்பை ஏற்படுத்தியுள்ளது.
மலேசியா நாட்டின் கோலாலம்பூரிலிருந்து வந்த விமானம் சென்னையில் தரையிறங்கியவுடன் பயணிகள் அனைவரும் விமானத்திலிருந்து கீழே இறங்கிச் சென்றனர். ஆனால், ஒரு பெண் பயணி ஒருவர் இறங்காமல் தூக்கியபடி இருந்துள்ளார்.
இதைபார்த்த விமான பணியாளர்கள் அந்த பெண்ணை எழுப்பியுள்ளனர். ஆனால் அந்த பெண் பதிலளிக்காததை கண்டு சந்தேகமடைந்த பணியாளர்கள் உடனடியாக மருத்துவர்கள் குழுவுக்கு தகவல் தெரிவித்தனர்.
அதன் படி அங்கு வந்த மருத்துவர்கள் குழு பெண்ணை பரிசோதனை செய்ததில் அவர் மாரடைப்பு காரணமாக இறந்துவிட்டதாக தெரிவித்தனர். பின்னர் இந்த சம்பவம் பற்றி போலீசாருக்கு தகவல் தெரிவிக்கப்பட்டது.
உடனே சம்பவ இடத்திற்கு வந்த போலீசார் உடலை கைப்பற்றி அருகில் உள்ள மருத்துவமனைக்கு பிரேத பரிசோதனைக்காக அனுப்பி வைத்தனர். பின்னர் சம்பவம் தொடர்பாக நடத்திய விசாரணையில் உயிரிழந்தவர் தமிழ்நாட்டின் கள்ளக்குறிச்சி மாவட்டத்தை சேர்ந்தவர் என்று தெரிய வந்தது. இதையடுத்து போலீசார் இந்த சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.
English Summary
women body rescue in chennai airport