நடிகர் சிவகார்த்திகேயனால் கங்குவாவிற்கு வந்த புதிய சிக்கல்!...

தமிழ் சினிமாவில் முன்னணி நடிகராக திகழும் சூர்யா நடித்துள்ள 'கங்குவா' படத்தை இயக்குனர் சிவா இயக்கியுள்ளார். இதில், திஷா பதானி, பாபி தியோல், யோகி பாபு, ரெடின் கிங்ஸ்லி உட்பட பலர் நடித்துள்ளனர். இந்த படத்தினை ஸ்டுடியோ கிரின் நிறுவனம் சார்பில் ஞானவேல்ராஜா தயாரித்துள்ளார்.

இந்தப் படத்தின் டீசர் வெளியான சில மணி நேரத்திலேயே பல கோடி பார்வைகளை பெற்றது.
மேலும் இந்த படத்தில் வி.எஃப்.எக்ஸ் மற்றும் 3டி வேலைகள் செய்யப்பட்டுள்ளது

இப்படம் வரும் 14-ம் தேதி உலகம் முழுவதும் திரையரங்குகளில் வெளியாக உள்ளது. இந்த நிலையில், இப்படத்தின் சிறப்பு காட்சிக்கு தமிழக அரசு அனுமதி அளித்துள்ளது.

இந்த சூழலில், சிவகார்த்திகேயன் நடிப்பில், ராஜ்குமார் பெரியசாமி இயக்கத்தில் வெளியாகி திரையரங்குகளில் வெற்றி நடை போட்டு வரும் அமரன் திரைப்படத்தினால், கங்குவா படத்திற்கு தற்போது சிக்கல் எழுந்துள்ளது சொல்லப்படுகிறது.

அந்த வகையில் பெரும்பாலான திரையரங்குகளில் அமரன் திரைப்படம் ஓடிக் கொண்டிருக்கும் நிலையில், வெற்றி நடை காரணமாக அனைத்து திரையரங்கு உரிமையாளர்களும் கங்குவா படத்தை திரையிட தயங்குவதாக தகவல் வெளியாகி உள்ளது.