இயக்குனர் சுந்தர் சி இயக்கத்தில் உருவான அரண்மனை திரைப்படம் இதுவரை 3 பாகங்கள் வெளியாகி ரசிகர்களிடையே நல்ல வரவேற்பை பெற்றுள்ளது. இதில், கடந்த 2021ம் ஆண்டு வெளியான அரண்மனை 3 திரைப்படம் திரையரங்குகளில் ரிலீஸாகி ரசிகர்களிடையே நல்ல வரவேற்பை பெற்றது.

இந்த படத்தில் நடிகர் ஆர்யா, ராசிகன்னா, ஆண்ட்ரியா, யோகி பாபு, சாக்ஷி அகர்வால், நளினி, நந்தினி, மனோபாலா, சம்பத், அமித் உள்ளிட்ட திரைப்பிரபலங்கள் பலரும் நடித்திருந்தனர்.

கலவையான விமர்சனங்களை பெற்ற இந்த திரைப்படத்தை ஃபேமிலி ஆடியன்ஸ் காப்பாற்றியது. அதன் காரணமாக அரண்மனை 3 அனைத்து இடங்களிலும் வசூல் வேட்டை நடத்தியது.

இந்த நிலையில் அதன் தொடர்ச்சியாக அரண்மனை 4  திரைப்படத்தை இயக்குனர் சுந்தர்.சி இயக்க உள்ளார். இந்தப் படத்தில் நடிகைகள் தமன்னா மற்றும் ராஷிகண்ணா ஆகியோர் நடிக்க உள்ளனர்.

#Aranmanai4 Shooting Spot Click 📸😍❤ #rashikhanna #Aranmanai #Aranmanai4 pic.twitter.com/srGTxu6zeB

— Trend Soon (@trend_soon) April 13, 2023

இதில், நடிகை ராஷிகண்ணா ஏற்கனவே அரண்மனை 3 படத்தில் கதாநாயகியாக நடித்தார் என்பது குறிப்பிடத்தக்கது. இந்த நிலையில் அரண்மனை 4 திரைப்படத்தின் முதற்கட்ட படைப்பிடிப்பு இன்று சென்னையில் நடைபெற்றுள்ளது.

இந்த படப்பிடிப்பில் இயக்குனர் சுந்தர்.சி, ராஷி கண்ணா மற்றும் தமன்னா ஆகியோர் கலந்து கொண்டுள்ளனர். இதனை நடிகை ராஷி கண்ணா புகைப்படம் வெளியிட்டு உறுதிப்படுத்தியுள்ளார்.