''அயலான்'' திரைப்படத்தின் புதிய அப்டேட்: உற்சாகத்தில் ரசிகர்கள்!
Ayalaan movie update released
ஆர். ரவிக்குமார் இயக்கத்தில் சிவகார்த்திகேயன் நடிப்பில் உருவாகியுள்ள திரைப்படம் ''அயலான்''. ரகுல் பிரீத் சிங், யோகி பாபு, கருணாகரன் உள்ளிட்ட பலர் முக்கிய கதாபாத்திரத்தில் நடிக்கும் இந்த திரைப்படத்திற்கு ஏ.ஆர். ரகுமான் இசையமைத்துள்ளார்.
இந்த திரைப்படத்தை 24 வீடியோஸ் மற்றும் கே.ஜே.ஆர் ஸ்டுடியோஸ் இணைந்து தயாரித்துள்ளது. சிவகார்த்திகேயன் நடிப்பில் வெளியான திரைப்படங்களிலேயே அதிகப்படியான நாடுகள் மற்றும் திரைகளில் திரைப்படம் வெளியாக உள்ளது என படக் குழு அதிகாரப்பூர்வமாக அறிவித்திருந்தது.
மேலும் இந்த திரைப்படம் பொங்கலுக்கு திரையரங்குகளில் வெளியாக உள்ளது. இந்நிலையில் திரைப்படத்தின் புதிய அறிவிப்பை படக்குழு வெளியிட்டுள்ளது.
அதாவது, இந்த திரைப்படத்திற்கு தணிக்கை குழு 'யு' சான்றிதழ் வழங்கியுள்ளது. இதனை பட குழு போஸ்டர் ஒன்றை பகிர்ந்து அறிவித்துள்ளது.
'அயலான்' திரைப்படம் குடும்பங்கள் பார்க்கும் வகையில் சான்றிதழ் பெறப்பட்டுள்ளதால் ரசிகர்கள் மிகுந்த உற்சாகத்தில் உள்ளனர்.
English Summary
Ayalaan movie update released