பிக்பாஸ் நிகழ்ச்சி எந்த மொழியில் வெளியாகினாலும் அதற்கு அந்தந்த மொழிகளில் நிறைய ரசிகர்கள் இருக்கின்றனர்.  அந்த வகையில் தமிழ் பிக்பாஸ் நிகழ்ச்சிக்கும் நிறைய ரசிகர் கூட்டம் இருக்கிறது. அதனால்தான் வெற்றிகரமாக 4 சீசன்களை கடந்து பிக் பாஸ் 5 வது சீசனில் அடி எடுத்து வைத்துள்ளது. 

18 போட்டியாளர்கள் கலந்துகொண்ட இந்த நிகழ்ச்சியில் தற்போது பல்வேறு எலிமினேஷன்கள் நடைபெற்றது. மேலும், வைல்டு கார்டு எண்ட்ரீயும் நடைபெற்று வந்தது. இந்த நிலையில் பிக்பாஸ் நிகழ்ச்சியில் இருந்து கடந்த சஞ்சீவ் எலிமினேட் செய்யப்பட்டார்

தற்போது மொத்தம் 18 போட்டியாளர்கள் மற்றும் 2 வைல்ட் கார்ட் என்ட்ரி என 20 பேர் கலந்துக்கொண்ட போட்டியாளர்களில் தற்போது, ராஜு, பாவனி, சிபி, தாமரை, நிரூப், ப்ரியங்கா, அமீர் உள்ளிட்ட 7 போட்டியாளர்கள் பிக்பாஸ் வீட்டில் உள்ளனர்.

 ஒவ்வொரு சீசனிலும் குறிப்பிட்ட தொகையை போட்டியாளர்களுக்கு கொடுத்து யார் வேண்டுமானாலும் அந்த தொகையை எடுத்துக் கொண்டு வெளியேறலாம் என அறிவிக்கப்படும். அந்த வகையில் கடந்த செவ்வாய்க்கிழமை நடிகர் சரத்குமார் 3 லட்சம் தொகையைக் கொண்டுவந்து யார் வேண்டுமானாலும் இந்தப் பணத்தை எடுத்துக்கொண்டு வெளியேறலாம் என கூறினார்.

மேலும், இந்த பண மதிப்பானது நாளுக்கு நாள் அதிகரித்துக்கொண்டே இருக்கும் அந்த வகையில் தற்போது 12 இலட்சம் வரை அதிகரித்துள்ளது. இந்த நிலையில் தற்போது பிக்பாஸ் வீட்டில் உள்ள சிபி 12 லட்சத்தைத் எடுத்துக்கொண்டு பிக்பாஸ் வீட்டில் இருந்து வெளியேறி உள்ளதாக தகவல் வெளியாகியுள்ளது