சூப்பர் ஸ்டார் ரஜினிகாந்த் நடிக்கும் 171வது படத்திற்கு லால் சலாம் என பெயர் சூட்டப்பட்டுள்ளது. இந்தப் படத்தை லைக்கா நிறுவனம் தயாரிக்க ரஜினியின் மகள் ஐஸ்வர்யா ரஜினிகாந்த் இயக்குகிறார். லைக்கா நிறுவனம் ரஜினிகாந்தின் அடுத்த இரண்டு படங்களை தயாரிக்க அவருடன் ஒப்பந்தம் போட்டது. 

இந்த படத்தில் விஷ்ணு விஷால், விக்ராந்த் இணைந்து நடிக்க, ரஜினிகாந்த் சிறப்பு தோற்றத்தில் நடிக்க உள்ளார்.லால் சலாம் படத்திற்கு இசைப்புயல் ஏ.ஆர் ரகுமான் இசையமைக்க உள்ளார். லைகா நிறுவனம் தனது ட்விட்டர் பக்கத்தில் அதிகாரபூர்வமாக தற்போது புதிய போஸ்டரை வெளியிட்டுள்ளது. போஸ்டரில் ஹெல்மட், கிரிக்கெட் பேட், பந்து இருப்பதால் கிரிக்கெட் சம்பந்தப்பட்ட படமாக இருக்க அதிக வாய்ப்புள்ளது. 

லால்சலாம் திரைப்படம் அடுத்த வருடம் வெளியாகும் என தெரிவிக்கப்பட்டுள்ளது. இந்த திரைப்படத்தில் பூர்ணிமா ஆடை வடிவமைப்பாளராக பணியாற்றுவார் என்று ஏற்கனவே அறிவிக்கப்பட்டது. இந்த நிலையில், அவர் 'லால் சலாம்' படத்திலிருந்து விலகுவதாக பூர்ணிமாவே அறிவித்து இருக்கின்றார்.

இதுகுறித்து அவர் இனி லால் சலாம் திரைப்படத்தில் நான் பணியாற்ற போவதில்லை என்றும், எனவே படத்தின் போஸ்டர்களில் எனது பெயர் இனி இருக்க வேண்டாம் என்றும் தெரிவித்துள்ளார். பூர்ணிமாவும், ஐஸ்வர்யாவும் நல்ல நெருங்கிய தோழிகள் என்பது குறிப்பிடத்தக்கது.