ஷுட்டிங் ஸ்பாட்டில் கேக் வெட்டி பிறந்தநாள் கொண்டாடிய பிரபல இயக்குனர்!
famous director celebrated his birthday
தென்னிந்திய திரை உலகில் முன்னணி நடிகராக வலம் வரும் நடிகர் கார்த்திக் தற்போது இயக்குனர் ராஜி முருகன் இயக்கத்தில் 'ஜப்பான்' என்ற திரைப்படத்தில் நடித்து வருகிறார்.
இந்த படத்தில் அனுமானுவேல் கதாநாயகியாக நடித்துள்ளார். ஜி.வி. பிரகாஷ் இசையமைக்கும் இந்த படத்தை ட்ரீம் வாரியர் பிக்சர்ஸ் தயாரிக்கிறது.
இந்த திரைப்படம் தீபாவளி அன்று திரையரங்குகளில் வெளியாகவுள்ளது. இதனை தொடர்ந்து நடிகர் கார்த்திக் கே.இ. ஞானவேல் ராஜாவின் ஸ்டுடியோஸ் ஸ்கிரீன் தயாரிப்பில் இயக்குனர் நலன் குமாரசாமி இயக்கத்தில் புதிய படம் ஒன்றில் நடிக்கிறார்.
இந்த படத்திற்கு தற்காலிகமாக 'கார்த்திக் 26' என பெயரிடப்பட்டுள்ளது. தற்போது இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இயக்குனர் நலன் குமாரசாமி தனது பிறந்த நாளை படப்பிடிப்பு தளத்தில் கொண்டாடியுள்ளார்.
இது தொடர்பாக பட குழு தங்களது சமூக வலைதள பக்கத்தில் புகைப்படத்தை பகிர்ந்துள்ளது. இயக்குனர் நலன் குமாரசாமிக்கு திரை பிரபலங்களும் ரசிகர்களும் பிறந்தநாள் வாழ்த்துக்களை தெரிவித்து வருகின்றனர்.
English Summary
famous director celebrated his birthday