சர்வதேச இசையமைப்பாளராகும் பிரபல இசையமைப்பாளர் மகள்!

பிரபல இசையமைப்பாளரான ஏ.ஆர். ரகுமானின் மகள் கதீஜா ரகுமான் கடந்த 2010 ஆம் ஆண்டு ஷங்கர் இயக்கத்தில் வெளியான 'எந்திரன்' திரைப்படத்தில் இடம்பெற்ற புதிய மனிதா என்ற பாடலில் ஒரு பகுதியை பாடியிருந்தார்.

சமீபத்தில் வெளியான பொன்னியின் செல்வன்-2 என்ற திரைப்படத்தில் இடம்பெற்ற சின்னஞ்சிறு நிலவே என்ற பாடலையும் இவர் பாடியுள்ளார்.

இதனை தொடர்ந்து ஹலிதா ஷமீம் இயக்கத்தில் உருவாகியுள்ள 'மின்மினி' என்ற படத்தில் இசையமைப்பாளராக அறிமுகமாகிறார்.

இந்த படத்தின் முதல் பாடல் கடந்த மாதம் வெளியாகி ரசிகர்கள் இடையே நல்ல வரவேற்பை பெற்றது. இதனைத் தொடர்ந்து பிரிட்டன்-இந்தியா நாடுகள் இணைந்து தயாரிக்கும் 'லயனஸ்' என்ற திரைப்படத்திற்கு இசையமைக்க கதீஜா ஒப்பந்தமாகியுள்ளார்.