தமிழ் சினிமாவின் முன்னணி நடிகர் விஜய் நடிப்பில் வெங்கட் பிரபு இயக்கியுள்ள திரைப்படம் 'தி கிரேட்டஸ்ட் ஆப் ஆல் டைம்'. இந்தப் படத்தில் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், சினேகா, லைலா, மீனாட்சி சவுத்ரி உள்ளிட்ட பல முன்னணி நடிகர்கள் நடித்துள்ளனர். 

ஏஜிஎஸ் என்டர்டெயின்மெண்ட் நிறுவனம் தயாரிக்கும் இந்த படத்துக்கு யுவன் சங்கர் ராஜா இசையமைத்துள்ளார். இந்த படத்தில் நடிகர் விஜய் அப்பா - மகன் என்று இரட்டை வேடத்தில் நடித்து வருகிறார். அதனால், இந்தப்படம் ரசிகர்களிடம் பெரும் எதிர்பார்ப்பை ஏற்படுத்தியுள்ளது. 

தற்போது இந்தப் படத்தின் படப்பிடிப்பு அனைத்தும் முடிவடைந்து, கிராபிக்ஸ் பணிகள் உள்பட தொழில்நுட்ப பணிகள் தீவிரமாக நடைபெற்று வருகிறது. இதற்கிடையே இந்தப் படத்தின் அப்டேட்டுகளும் வெளியாகிவருகிறது.

இதுவரைக்கும் கோட் படத்தின் மூன்று பாடல்கள் வெளியாகி ரசிகர்களிடம் நல்ல வரவேற்பை பெற்றது. இந்த நிலையில், 'தி கோட்' படத்தின் படக்குழுவினர் நாளை செய்தியாளர்களை சந்திக்க உள்ளதாக தகவல் வெளியாகி உள்ளது. பின்னர், யூடியூப் சேனல்களுக்கு நேர்காணலின் போது பேட்டி அளிக்க உள்ளனர். இந்தநிலையில் அடுத்த வாரம் படம் ரிலீஸ் ஆகவிருப்பதால், தற்போது புரமோசன் பணிகள் முழு வீச்சில் நடந்து வருகிறது.