வெளியானது ஜெயிலர் வீடீயோ.. மெய்சிலிர்க்கவைக்கும் ஸ்டைல்.. மிரட்டிய அனிருத்.!

ரஜினிகாந்த் இன்று அவரது 73 வது பிறந்தநாள் விழாவை கொண்டாடுகின்றார். ஒவ்வொரு ஆண்டும் நாடு முழுவதும் ரஜினி ரசிகர்கள் பிரம்மாண்டமாக அவரது பிறந்தநாளை கொண்டாடுவது வழக்கம்.

அந்த வகையில், இந்த வருடம் திருச்சியில் சில பகுதிகளில் ரத்ததான மற்றும் மருத்துவ முகாம்கள் நடத்த ஏற்பாடு செய்யப்பட்டு இருக்கிறது. கடந்த சில வருடங்களாகவே தனது பிறந்த நாளில் ரஜினிகாந்த் ரசிகர்களை சந்தித்து வருவார்.

அந்த வகையில், இந்த ஆண்டும் அவர் ரசிகர்களை சந்திக்கவுள்ளார். ஆனால், இந்த ஆண்டு அதிசயமாக தனது வீட்டில் மேடை அமைத்து வீட்டிற்குள் ரசிகர்களை சந்திக்க இருக்கிறார். நடிகர் ரஜினியின் பிறந்த நாளை முன்னிட்டு இன்று நள்ளிரவு 12 மணிக்கு ரஜினியின் வீட்டிற்கு முன்பாக ரசிகர்கள் கேக் வெட்டி கொண்டாடினர்.

இந்த நிலையில், இன்று ரஜினியின் பிறந்த நாளை முன்னிட்டு ஜெயிலர் படக்குழு மாலை 6 மணிக்கு படம் பற்றிய முக்கிய அப்டேட்டை வழங்கவுள்ளதாக ஏற்கனவே, அறிவித்து இருந்தது. அதன்படி இன்று ஜெயிலர் படத்தின் மாஸான ப்ரோமோ வீடீயோ வெளியிடப்பட்டுள்ளது. இதில், தலைவரின் ஸ்டைல் மற்றும் அனிருத்தின் மியூஸிக் ரசிகர்களை மெய்சிலிர்க்கவைத்துள்ளது.