முதல் நாளிலேயே இத்தனை கோடியா... ''கல்கி 2898 ஏடி'' திரைப்படத்தின் வசூல் அப்டேட்.!

பாகுபலி திரைப்படத்தின் மூலம் இந்திய திரை உலகின் கவனத்தை தன் பக்கம் ஈர்த்த பிரபாஸ் தற்போது ''கல்கி 2898 ஏடி'' என்ற திரைப்படத்தில் நடித்துள்ளார்.

கமலஹாசன், அமிதாப்பச்சன் இணைந்து நடித்துள்ள இந்த திரைப்படத்தின் மீது ரசிகர்கள் மத்தியில் மிகுந்த எதிர்பார்ப்பு இருந்தது. நாக் அஸ்வின் இயக்கத்தில் சந்தோஷ் நாராயணன் இசையமைத்துள்ள இந்த திரைப்படம் நேற்று திரையரங்குகளில் வெளியாகி ரசிகர்களிடையே நல்ல வரவேற்பை பெற்று வருகிறது.

இந்த திரைப்படத்தில் கிராபிக்ஸ் காட்சிகள் பெரிதும் வரவேற்பை பெற்றுள்ளது. இந்நிலையில் இந்த திரைப்படத்தின் வசூல் குறித்த அப்டேட் வெளியாகியுள்ளது.

அதாவது இந்த திரைப்படம் இந்திய அளவில் முதல் நாளில் ரூ. 95 கோடி வசூலித்துள்ளதாகவும் உலக அளவில் இந்த திரைப்படம் ரூ. 180 கோடி வசூலித்துள்ளதாகவும் தகவல் வெளியாகி இருந்த நிலையில் பட குழு அதிகாரப்பூர்வ அறிவிப்பை வெளியிட்டுள்ளது.