லப்பர் பந்து படத்தின் ஓ.டி.டி தேதி எப்போது?
lappar pandhu movie ott release update
நெஞ்சுக்கு நீதி படத்திற்கு வசனம் எழுதிய தமிழரசன் பச்சமுத்து இயக்குனராக அறிமுகமாகும் திரைப்படம் 'லப்பர் பந்து'. பிரின்ஸ் பிக்சர்ஸ் நிறுவனம் தயாரிக்கும் இந்தப் படத்தில் ஹரிஷ் கல்யாண் மற்றும் அட்டகத்தி தினேஷ் இணைந்து கதாநாயகர்களாக நடித்துள்ளனர். சுவாசிகா விஜய், வதந்தி வெப், தேவதர்ஷினி, பால சரவணன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
ஷான் ரோல்டன் இசையமைத்துள்ள இந்த படம் கிரிக்கெட்டை மையமாக வைத்து குடும்ப படமாகவும் இது உருவாகியுள்ளதால் அனைத்து தரப்பு ரசிகர்களையும் கவர்ந்துள்ளது. 'லப்பர் பந்து' திரைப்படம் கடந்த செப்டம்பர் 20ம் தேதி திரையரங்குகளில் வெளியானது.
இந்த படம் 25வது நாளில் அடி எடுத்து வைத்துள்ளதை படக்குழு புதிய போஸ்டர் ஒன்றை வெளியிட்டு அதிகாரபூர்வமாக அறிவித்தது. இதுவரைக்கும் ரூ. 38 கோடிக்கும் அதிகமாக வசூலித்துள்ளதாகக் தெரிவிக்கப்படுகிறது.
இந்தப் படம் வருகிற 18ம் தேதி சிம்பிளி சவுத் ஓ.டி.டி தளத்தில் வெளியாக இருந்த நிலையில், இப்படம் இன்னும் திரையரங்குகளில் நல்ல வசூலைப் பெற்று வருவதால், இதன் ஓ.டி.டி தேதியை ஒத்திவைப்பதாகவும் விரைவில் புதிய தேதியை அறிவிப்பதாகவும் அறிவிக்கப்பட்டது.
English Summary
lappar pandhu movie ott release update