கடந்த 2005ஆம் ஆண்டு ரஜினி, நயன்தாரா, பிரபு, ஜோதிகா,நாசர் ஆகியோரின் நடிப்பில் வெளியான திரைப்படம் தான் சந்திரமுகி. அந்தக் காலத்திலேயே 200 கோடி பட்ஜெட்டில் தயரான இந்த படம் ரூ. 650 கோடி கிட்டதட்ட படம் வசூலித்தது.

2 வருடங்களுக்கு பின் இந்த படத்தின் இரண்டாம் பாகம் தயாரிக்க வேண்டும் என்று முன்பே இயக்குனர் பி.வாசு முடிவு செய்து விட்டதாக கூறப்பட்டது. இந்த நிலையில், சமீபத்தில் இந்த படத்தின் அதிகாரப்பூர்வ அறிவிப்பு வெளியாகியது. 

இதில் நடிகராக ராகவா லாரன்ஸ் மற்றும் நகைச்சுவை நாயகனாக வடிவேலு உள்ளிட்டோர் நடிக்கின்றனர். மேலும், இதனை லைகா நிறுவனம் தயாரிக்கவுள்ளதாக கூறப்படுகிறது. இந்த படத்தில் நடிகை லட்சுமி மேனன் ஹீரோயினாக நடிக்கவுள்ளதாக தகவல் வெளியாகி இருக்கின்றது. 

நடிகர் ராகவா லாரன்ஸ் தற்போது ஜிகர்தண்டா 2 மற்றும் ருத்ரன் உள்ளிட்ட படங்களில் நடித்து வரும் நிலையில், சந்திரமுகி படத்திலும் நடிக்க ஆரம்பித்துள்ளார். இத்தகைய நிலையில், ராகவா லாரன்ஸ் சந்திரமுகி 2 படத்தில் நடிக்க வாங்கும் சம்பளம் குறித்து தகவல் வெளியாகி இருக்கிறது. 

இந்த படத்தில் நடிப்பதற்காக 27 கோடி ரூபாய் சம்பளத்தை ராகவா லாரன்ஸ் பெற்றுள்ளதாக கூறப்படுகிறது. இது திரை பிரபலங்கள் மத்தியில் பெரும் வியப்பை ஏற்படுத்தியுள்ளது.