நடிகர் விஜய்சேதுபதி மீது கிரிமினல் அவதூறு சட்டத்தின் கீழ் நடவடிக்கை எடுக்கக் கோரி,  சென்னை சைதாப்பேட்டை நீதிமன்றத்தில் மகா காந்தி என்பவர் மனுத்தாக்கல் செய்துள்ளார்.

தமிழ் திரையுலகில் முக்கிய கதாநாயகர்களில் ஒருவர் விஜய் சேதுபதி. இவர் மறைந்த கன்னட சூப்பர் ஸ்டார் புனித்ராஜ்குமாரின் உடலுக்கு அஞ்சலி செலுத்த பெங்களூருவிற்கு சென்றிருந்தார். அப்போது அவரின் உதவியாளர்  மீது ஒருவர் தாக்குதல் நடத்த முயற்சி செய்தார். 

இது தொடர்பான காட்சிகள் சமூகவலைதளங்களில் பரவி பெரும் பரபரப்பை ஏற்படுத்தியது. இதற்கிடையே விஜய் சேதுபதியை உதவியாளரை எட்டி உதைத்த மகா காந்தி என்பவர் யூட்யுப் சேனல் ஒன்றுக்கு பேட்டியளித்து இருந்தார்.

நடிகர் விஜய்சேதுபதி மீது நடந்த தாக்குதல் சம்பவம். ஏன் அடித்தேன் என #மகா_காந்தி சம்பந்தப்பட்டவர் பேட்டி..

நன்றி: இளைய பாரதம் யூடியூப் சேனல் pic.twitter.com/wox2lxxtb8

— பாஜக உடுமலை மேற்கு ஒன்றியம் (@UdtWestUnionBJP) November 7, 2021

அதில், விஜய் சேதுபதியுடன் பேசும் போது முத்துராமலிங்க தேவரை அவமதித்து பேசியதாகவும், அப்படி பேசவேண்டாம் என அவரை கண்டித்த போது அவருடைய ஆட்கள் தன்னை தாக்கியதால் தான் அப்படி நடந்து கொண்டதாக அவர் தெரிவித்தார்.

தேவர் அய்யாவை இழிவுபடுத்தியதற்காக நடிகர் விஜய் சேதுபதியை உதைப்பவருக்கு ரொக்கப்பரிசு ரூ.1001/- வழங்கப்படும் - அர்ஜூன் சம்பத் அறிவித்துள்ளார்.

விஜய் சேதுபதி மன்னிப்பு கேட்கும் வரை அவரை உதைப்பவருக்கு

1 உதை = ரூ.1001/- pic.twitter.com/nFDtcMwn1J

— Indu Makkal Katchi (Offl) 🇮🇳 (@Indumakalktchi) November 7, 2021

இந்நிலையில், சைதாப்பேட்டையை சேர்ந்த அந்த மகா காந்தி என்பவர், விஜய் சேதுபதி, அவரின் மேலாளர் ஜான்சன் ஆகியோர் மீது கிரிமினல் அவதூறு சட்டத்தின் கீழ் நடவடிக்கை எடுக்க வேண்டும் என்று, சைதாப்பேட்டை நீதிமன்றத்தில் மனுத்தாக்கல் செய்துள்ளார்.