மிஷ்கினின் பிசாசு-2 படத்தின் ரிலீஸ் தேதி குறித்து படக்குழு அறிவிப்பு.!
Pisasu 2 release date
மிஷ்கினின் பிசாசு-2 படத்தின் ரிலீஸ் தேதி குறித்த தகவல் வெளியாகியுள்ளது.
தமிழ் சினிமாவில் பிரபல இயக்குனரான இயக்குனர் மிஷ்கின் இயக்கத்தில் வெளியான பிசாசு படம் ரசிகர்களிடையே நல்ல வரவேற்பை பெற்றது. அதன் காரணமாக தற்போது இந்த படத்தின் இரண்டாம் பாகம் எடுத்து வருகிறார் மிஷ்கின்.
இந்த படத்தில் நடிகை ஆண்ட்ரியா முக்கிய கதாபாத்திரத்தில் நடிக்கிறார். மேலும், இந்த படத்தில் நடிகர் விஜய்சேதுபதி, நமீதா கிருஷ்ணமூர்த்தி, பூர்ணா உள்ளிட்டோர் முக்கிய கதாபாத்திரங்களில் நடிக்கின்றனர். தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது.
சமீபத்தில் பிசாசு-2 படத்தின் ஃபர்ஸ்ட் லுக் போஸ்டர் வெளியாகி சமூக வலைதளங்களில் வைரலானது குறிப்பிடத்தக்கது. இந்நிலையில் இந்த படம் வரும் ஆகஸ்ட் 31 தேதி வெளியாகும் என்று படக்குழு அறிவித்துள்ளது.