பிரபல தயாரிப்பாளர் காலமானார்.! அதிர்ச்சியில் திரையுலகம்..!
Popular producer Nick Arts SS Chakraborty passed away
பிரபல திரைப்படத் தயாரிப்பாளரான நிக் ஆட்ர்ஸ் எஸ்.எஸ்.சக்கரவர்த்தி (55) புற்றுநோய் பாதிப்பு காரணமாக இன்று காலமானார். இவரின் மறைவுக்கு திரையுலக பிரபலங்கள் இரங்கல் தெரிவித்து வருகின்றனர். இவர் நடிகர் அஜித்தின் சிட்டிசன், ராசி, வாலி, முகவரி, சிட்டிசன், ரெட், வில்லன், ஆஞ்சநேயா, ஜீ, வரலாறு ஆகிய பல படங்களைத் தயாரித்துள்ளார். மேலும் விக்ரம் நடிப்பில் வெளியான காதல் சடுகுடு, சிம்பு நடித்த காளை, வாலு ஆகிய படங்களையும் தயாரித்துள்ளார்.
இதையடுத்து, விமல் நடிப்பில் வெளியாகி வெற்றியடைந்த "விலங்கு" என்ற இணைய தொடரில் காவல் அதிகாரியாக நடித்திருந்தார். இவரது கதாபாத்திரம் ரசிகர்கள் மத்தியில் நல்ல வரவேற்பு பெற்றது. இந்நிலையில் கடந்த 8 மாதங்களாக புற்றுநோய் காரணமாக சிகிச்சை பெற்று வந்த எஸ்.எஸ்.சக்கரவர்த்தி இன்று சென்னையில் உடல்நலக்குறைவு காரணமாக காலமானார். இவரின் மறைவு தமிழ் திரையுலகில் பெரும் அதிர்ச்சியையும், சோகத்தையும் ஏற்படுத்தியுள்ளது.
English Summary
Popular producer Nick Arts SS Chakraborty passed away