நேற்று மோகன்லால் நடிப்பில், நடிகர் பிருத்விராஜ் இயக்கத்தில் உலகம் முழுவதும்' L2 EMPURAAN ' வெளியாகினது. கடந்த 2019-ஆம் ஆண்டு வெளியான படம் 'லூசிஃபர்' படத்தின் 2 டாம் பாகமான இப்படத்துக்கு, ஆண்டனி பெரும்பாவூருடன் இணைந்து லைகா நிறுவனம் தயாரித்து, முரளி கோபி கதை எழுதியுள்ளார்.

பிருத்விராஜ் இப்படத்தை இயக்கியதோடு மட்டுமல்லாமல் முக்கியக் கதாபாத்திரத்திலும் நடித்துள்ளார்.மேலும்  இப்படத்தில்  மஞ்சு வாரியர், டொவினோ தாமஸ், சுராஜ் வெஞ்சரமுடு உள்ளிட்ட பலர் நடித்துள்ளனர்.அதுமட்டுமின்றி 'எம்புரான்' படம் வெளியாவதற்கு முன்பே இயக்குனரும், நடிகருமான பிருத்வி ராஜ், நடிகர் ரஜினிகாந்தை சந்தித்து வாழ்த்து பெற்றார்.

ரசிகர்களின் பெரும் எதிர்பார்ப்பு மத்தியில் 'எம்புரான்' நேற்று வெளியானது. மேலும் கேரளாவில் இப்படம் 746 திரையரங்குகளில் வெளியானது.இந்நிலையில், 'எம்புரான்' வெளியான முதல் நாளான நேற்று ரூ. 22 கோடி வசூலித்துள்ளதாக தகவல்கள் வெளியாகியுள்ளன.

இதுவரை வெளியான மலையாள சினிமாவில் படங்களில் முதல் நாளில் அதிக வசூல் ஈட்டிய படமாக பிருத்விராஜ் சுகுமாரன் நடித்து வெளியான 'ஆடு ஜீவிதம்' இருந்தது. இப்படம் முதல் நாளில் மட்டும் அதிகபட்சமாக ரூ. 8.95 கோடி இந்தியா முழுவதும் வசூல் செய்தது.

'லூசிஃபர்' முதல் நாளில் ரூ.6.10 கோடி  வசூலை கடந்து 2019ம் ஆண்டு முதல் நாள் வசூலாக இருந்தது. இந்த வசூலையெல்லாம் கடந்து 'எம்புரான்' முதல் நாளில் வசூலில் சாதித்துள்ளதாக தெரிவிக்கப்படுகிறது.