தனியார் தொலைக்காட்சியில் நகைச்சுவை நிகழ்ச்சிகளில் மிமிக்ரி ஆர்டிஸ்ட் ஆக அறிமுகமானவர் ரோபோ சங்கர். அதன் பிறகு தமிழ் திரையுலகில் தீபாவளி, வாயை மூடி பேசவும், மாரி, புலி, வேலைக்காரன், ஹீரோ உள்ளிட்ட பல படங்களில் நகைச்சுவை நடிகராக நடித்து ரசிகர்கள் இடையே நல்ல வரவேற்பை பெற்றார். 

மேலும் தமிழ் திரையுலகில் முன்னணி நடிகர்களின் படங்களில் நடித்து பாராட்டுகளை பெற்றார். இந்நிலையில் நடிகர் ரோபோ சங்கர் சமீபத்தில் பத்திரிகையாளர்களை சந்தித்தபோது தெரிவித்திருப்பதாவது, ''நடிகர் கமலஹாசன்-இயக்குனர் மணிரத்தினம் கூட்டணியில் வெளியாகும் திரைப்படத்தை நான் பிரம்மாண்ட விழாவாக எடுத்து நடத்த உள்ளேன். 

'இந்தியன் 2' படத்திற்காக மிகவும் எதிர்பார்ப்புடன் இருக்கிறேன். நடிகர் கமல்ஹாசன் நம்ம ஊரில் இருக்க வேண்டிய ஆளே இல்லை. 

எல்லாவற்றிலும் நுணுக்கமாக கவனம் செலுத்தி வருகிறார்'' என்று தெரிவித்திருந்தார். மேலும், 'லியோ' திரைப்படத்தில் கமலஹாசன் குரல் இடம் பெற்றதால் வந்த ட்ரோல் குறித்த கேள்விக்கு, 

''கமல்ஹாசன் என்ன கிழிச்சாருன்னு கேட்க யாருக்கும் தகுதி இல்லை. லியோ திரைப்படம் பார்க்கும்போது கடைசியாக கமல் குரல் வரும்போது திரையரங்கமே அதிர்கிறது. 

அதற்கு மேல் என்ன சொல்ல. கமலஹாசனின் மிகப்பெரிய பக்தன் லோகேஷ் கனகராஜ்'' என தெரிவித்துள்ளார்.