நடிகரும் த.வெ.க  தலைவருமான விஜயின் மகன் ஜேசன் சஞ்சய் புதியதாக இயக்கவுள்ள படத்தின் ஹீரோவாக நடிகர் சந்தீப் கிசன் நடிக்கவுள்ளார்.

நடிகர் விஜய்யின் மகன் ஜேசன் சஞ்சய் இயக்குநராக அறிமுகமாக உள்ளார். இவர் இயக்கும் புதிய படத்தினை லைகா நிறுவனம் தயாரிக்கவுள்ளது. பின்னர், பல மாதங்களுக்கு முன்பே இதற்கான அதிகாரபூர்வ அறிவிப்பு வெளியானது. இயக்குனராக கலம் இறங்கும் ஜேசன் சஞ்சய் படத்துக்கான கதையை இறுதி செய்யும் பணிகள் நடைபெற்று வந்துள்ளன.

இதற்கிடையே, தமிழ் சினிமாவின் முன்னணி இயக்குநர்கள் நடிகராக நடிக்க வைக்க அணுகிய போது ஜேசன் சஞ்சய் மறுத்துவிட்டார். இவர்  இயக்குநராக அறிமுகமாக வேண்டும் என்பதில் மிக ஆர்வமாக  இருக்கிறார். தற்போது இவருடைய திரைப்பட கதையின் நாயகனாக நடிகர் சந்தீப் கிசன் நடிப்பது உறுதியாகி உள்ளது.

மேலும், ஜேசன் சஞ்சய் – சந்தீப் கிஷன் படம் தமிழ் மற்றும் தெலுங்கு என இருமொழிகளிலும் தயாராகவுள்ளது. விரைவில் இந்த படம் தொடர்பான அதிகாரபூர்வ அறிவிப்பு வெளியாகும் என தகவல் வந்துள்ளது.

இந்நிலையில், ஜேசன் சஞ்சய் பெரிய நடிகர்களை வைத்து தான் படம் எடுக்க வேண்டும் என்று விரும்பினார் ஆனால், யாரிடமும் தேதிகள் இல்லாத நிலையில் தற்போது நடிகர் சந்தீப் கிசனை வைத்து படத்தினைத் தொடங்க இருக்கிறார். இதனை தொடர்ந்து சந்தீப் கிசன் உடன் நடிக்கும் நடிகர்கள் தேர்வு மும்முரமாக நடைபெற்று வருகிறது என தகவல் வந்துள்ளது.