சந்தானம் படத்துக்கு சென்சார் வாரியம் யு/ஏ சான்றிதழ்!
Santhanam film for Censor Board UA certificate
இந்த மாதம் சந்தானம் நடிப்பில் தயாராகியுள்ள 'கிக்' படம் திரையரங்குகளில் வெளியாக இருப்பதாக படக்குழு செய்தி ஒன்றை வெளியிட்டுள்ளது. இந்த படத்துக்கு சென்சார் வாரியம் யு/ஏ சான்றிதழ் வழங்கியுள்ளது.
சந்தானம் நாயகனாக நடிக்கும், ஃபார்ச்சூன் தயாரிப்பில் உருவான திரைப்படம் 'கிக்'. இப்படத்தை கன்னடத்தில் வெளியான லவ்குரு, விசில், ஆரஞ்ச் உள்ளிட்ட பல படங்களை இயக்கிய பிரசாந்த் ராஜ் இயக்கியுள்ளார்.
'தாராள பிரபு' படத்தில் நடித்த தான்யா ஹோப் சந்தானத்தின் ஜோடியாக நடித்துள்ளார். இதில் தம்பி ராமையா, பிரம்மானந்தம், செந்தில், மன்சூர் அலிகான், மனோபாலா, Y.G.மகேந்திரன், ஷகிலா, கூல் சுரேஷ் உள்ளிட்டோர் நடித்துள்ளனர்.
கடந்த ஜனவரி மாதமே இப்படத்தின் ட்ரெய்லர் வெளியானது. எனினும் இப்படத்தின் இறுதிகட்ட பணிகள் காரணமாக வெளியீட்டுத் தேதியை படக்குழு அறிவிக்காமல் இருந்தது.
இப்படத்துக்கு சென்சார் வாரியம் யு/ஏ சான்றிதழ் வழங்கியுள்ளது. இந்நிலையில் படம் இந்த மாதம் திரையரங்குகளில் வெளியாவதாக படக்குழு தெரிவித்துள்ளது. இருப்பினும் ரிலீஸ் தேதியை அறிவிக்கவில்லை.
English Summary
Santhanam film for Censor Board UA certificate