சென்னை: தமிழ்த் திரையுலகில் தனது தனித்துவமான நடிப்பு, காமெடி மற்றும் குடும்ப ரசிகர்களிடையே கொண்ட ஆதரவை வைத்து முன்னணி நடிகராக மாறிய சிவகார்த்திகேயன், ‘அமரன்’ பட வெற்றியைத் தொடர்ந்து தனது சம்பளத்தை முக்கியமாக உயர்த்தியுள்ளதாக தகவல்கள் வெளியாகி உள்ளன.

‘அமரன்’ படம் வெற்றியடைந்தது சிவகார்த்திகேயனுக்கு முக்கிய திருப்பமாக அமைந்துள்ளது. மேலும், விஜய் ரசிகர்கள் மத்தியில் “தளபதி துப்பாக்கியை பிடிங்க சிவா!” என்ற வார்த்தைகள் வழியாக மிகுந்த ஆதரவும் கிடைத்தது. இதனால், தற்போது அவர் மினிமம் கேரண்டி ஹீரோ என்ற பட்டத்தை அடைந்துள்ளார்.

இந்நிலையில், தனது அடுத்த படங்களுக்கு 50 கோடி ரூபாய் சம்பளம் கேட்டு, தமிழ் சினிமாவில் தனுஷ் மற்றும் சூர்யா போன்ற முன்னணி நடிகர்களின் வர்க்கத்திற்கு இணையாக அடைந்துள்ளார். சிவகார்த்திகேயனின் இந்த முடிவு, தயாரிப்பாளர் வட்டாரங்களில் பரபரப்பை ஏற்படுத்தியுள்ளது.

தற்போது ஏ.ஆர்.முருகதாஸ் இயக்கத்தில் நடித்து வருகிறார்.அடுத்ததாக, சுதா கொங்காரா இயக்கத்தில் நடிக்கிறார். இந்த படத்தின் ஷூட்டிங் வரும் டிசம்பர் 21 முதல் தொடங்க இருக்கிறது.சிபி சக்கரவர்த்தி மற்றும் வெங்கட் பிரபு இயக்கத்தில் நடிக்கும் படங்களும் தயாரிப்பில் உள்ளன.

சிவகார்த்திகேயனின் சம்பள உயர்வு குறித்து ரசிகர்களிடையே கலவையான கருத்துகள் எழுந்துள்ளன. “நேற்று வந்தவர்களுக்கு இத்தனை சம்பளம் கொடுக்கும் போது, பல ஆண்டுகள் கடின உழைப்பு செய்த நடிகர்களுக்கு அதற்கேற்ப சம்பளம் கிடைக்க வேண்டாமா?” என சிலர் கேள்வி எழுப்பியுள்ளனர்.

சிவகார்த்திகேயனின் இப்போதைய முடிவு தயாரிப்பாளர்களுக்கு நியாயமாக இருக்க, அவரின் அடுத்த படங்கள் “அமரன்” அளவுக்கு மாபெரும் வெற்றியை பெற வேண்டும் என்பதே திரையுலகின் கருத்தாக உள்ளது. குறிப்பாக, அவரது அடுத்த படம் மினிமம் 150 கோடி வசூல் செய்யும் நிலைக்கு செல்ல வேண்டும் என்று எதிர்பார்க்கப்படுகிறது.

சிவகார்த்திகேயனின் சம்பள உயர்வும், எதிர்கால வெற்றிகளும் தமிழ் சினிமாவில் புதிய திருப்பங்களை கொண்டு வருமா என்பது அனைவரின் எதிர்பார்ப்பாக இருக்கிறது.