நலன் குமாரசாமி இயக்கத்தில் நடிகர் விஜய் சேதுபதி நடிப்பில் கடந்த 2013-ம் ஆண்டு வெளியான திரைப்படம் 'சூது கவ்வும்'. இந்த படத்தில் சஞ்சிதா ஷெட்டி, அசோக் செல்வன், பாபி சிம்ஹா, ரமேஷ் திலக், கருணாகரன் என பலர் முக்கிய கதாபாத்திரங்களில் நடித்திருந்தனர். இந்த படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றது.

இதைத் தொடர்ந்து சூது கவ்வும் படத்தின் அடுத்த பாகம் உருவாகியுள்ளது. இதனை இயக்குனர் எம்.எஸ்.அர்ஜுன் இயக்கியுள்ளார். நடிகர் 'மிர்ச்சி' சிவா முதன்மை கதாபாத்திரத்தில் நடித்துள்ள இந்தப் படத்தில் ஹரிஷா, ராதா ரவி, கருணாகரன், எம்.எஸ். பாஸ்கர், கராத்தே கார்த்தி, ரகு, யோக் ஜேபி, அருள்தாஸ், கல்கி, கவி உள்ளிட்ட பலர் நடித்துள்ளனர்.

தங்கம் சினிமாஸ் சார்பில் எஸ் தியாகராஜன் மற்றும் திருக்குமரன் என்டர்டெயின்மென்ட் சார்பில் சி.வி. குமார் இணைந்து தயாரித்துள்ள இந்த படத்துக்கு எட்வின் லூயிஸ் விஸ்வநாத் இசையமைத்துள்ளார். சமீபத்தில் 'சூது கவ்வும் 2' படத்தின் டீசர் மற்றும் சில பாடல்கள் வெளியாகி கவனம் பெற்றன.

இந்த நிலையில் இந்த படத்தின் புதிய பாடலை படக்குழு வெளியிட்டுள்ளது. அதாவது 'என்ன நடக்கும்' என்ற பாடலின் லிரிக் வீடியோ வெளியாகி உள்ளது. கவுதம் பரத்வாஜ் பாடியுள்ள இந்த பாடல் தற்போது இணையத்தில் வைரலாகி வருகிறது.