நடிகர் விஜய் நடித்துள்ள பீஸ்ட் திரைப்படம் கடந்த ஏப்ரல் 13 ஆம் தேதி வெளியாகியது. இதில் செல்வராகவன் உள்ளிட்ட பிரபலங்கள் நடித்துள்ளனர். இந்த திரைப்படத்தில் நடிகர் விஜய்க்கு ஜோடியாக பூஜா ஹெக்டே நடித்திருப்பார். 

இதனை தொடர்ந்து, அடுத்ததாக தெலுங்கு இயக்குனர் வம்சி இயக்கத்தில் விஜய் நேரடியாக தெலுங்கில் நடிக்கிறார். வாரிசு என்று கூறப்படும் இந்த படத்தை தில் ராஜூ தயாரிக்க இந்த படத்தில் நடிகர் விஜய்க்கு ஜோடியாக தெலுங்கு நடிகை ராஷ்மிகா மந்தனா நடிக்கிறார். 

தொடர்ந்து விஜய்யின் 67வது திரைப்படத்தை இயக்குனர் லோகேஷ் கனகராஜ் இயக்க உள்ளதாக தெரிவிக்கப்பட்டுள்ளது. இந்நிலையில் தளபதி 67 படத்திற்கு, 'ராய்ஸ்' என்று பெயர் வைக்கப்பட்டுள்ளதாக கூறப்படுகிறது. 

மும்பையில் இருக்கும் ஒரு டானின் கதை தான் இந்த தளபதி 67 என்று கூறப்படுகிறது. அதாவது விக்ரம் படத்தின் வில்லனாக காட்டப்பட்ட ரோலக்ஸ் கதாபாத்திரத்திற்கு டானாக இருக்கும் ராய்ஸ் கதாபாத்திரத்தில் விஜய் நடிக்க இருப்பதாக கூறப்படுகிறது. 

எனவே, இந்த திரைப்படம் லோகேஷின் யுனிவர்சல் திரைப்படங்களில் ஒன்றாக இருக்கும் என்று கூறப்படுகிறது. இது ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது. வரும் நவம்பர் மாத இறுதிக்குள் வாரிசு பட சூட்டிங் முடிந்தவுடன் தளபதி 67 அப்டேட் வெளியாகும் என்றும் அந்த தகவலில் தெரிவிக்கப்பட்டுள்ளது.