நடிகர் விஜய் நடித்துள்ள பீஸ்ட் திரைப்படம் கடந்த ஏப்ரல் 13 ஆம் தேதி வெளியாகியது. இதில் செல்வராகவன் உள்ளிட்ட பிரபலங்கள் நடித்துள்ளனர். இந்த திரைப்படத்தில் நடிகர் விஜய்க்கு ஜோடியாக பூஜா ஹெக்டே நடித்திருப்பார். 

இதனை தொடர்ந்து, அடுத்ததாக தெலுங்கு இயக்குனர் வம்சி இயக்கத்தில் விஜய் நேரடியாக தெலுங்கில் நடிக்கிறார். வாரிசு என்று கூறப்படும் இந்த படத்தை தில் ராஜூ தயாரிக்க இந்த படத்தில் நடிகர் விஜய்க்கு ஜோடியாக தெலுங்கு நடிகை ராஷ்மிகா மந்தனா நடிக்கிறார். 

தொடர்ந்து விஜய்யின் 67வது திரைப்படத்தை இயக்குனர் லோகேஷ் கனகராஜ் இயக்க உள்ளதாக தெரிவிக்கப்பட்டுள்ளது. இந்நிலையில் தளபதி 67 படத்திற்கு, 'ராய்ஸ்' என்று பெயர் வைக்கப்பட்டுள்ளதாக கூறப்படுகிறது. வரும் நவம்பர் மாத இறுதிக்குள் வாரிசு பட சூட்டிங் முடிந்தவுடன் தளபதி 67 அப்டேட் வெளியாகும் என்றும் அந்த தகவலில் தெரிவிக்கப்பட்டுள்ளது.

இந்தப் படத்தின் கதை உருவாக்கம் மற்றும் காஸ்டிங் வேலைகளில் லோகேஷ் கனகராஜ் தீவிரமாக இருப்பது வருகிறார். எனவே, இந்த படத்தில் நடிக்கும் நடிகர்கள் என்று அடிக்கடி உத்தேச குறிப்புகள் வெளியாகி வருகின்றன.

இந்த நிலையில், இந்த படத்தின் கதை IMDB வலைதளத்தில் வெளியாகி இருக்கிறது. அதில், ஒரு கேங்ஸ்டருக்கு தனது கூட்டாளிகளை தக்கவைத்துக் கொள்ள அதிகப்படியான பணம் பண தேவை ஏற்படுகிறது.

அதற்கு அவர் சட்டவிரோதமான ஒரு செயலை செய்கிறார். இதன் காரணமாக பல்வேறு பிரச்சனைகளை சந்தித்து அதிலிருந்து மீண்டு வருவது தான் கதை என்று தெரிவிக்கப்பட்டுள்ளது.