சமீபத்தில் விஜய் நடிப்பில் வாரிசு படம் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இந்த படத்திற்கு பின் விஜய் தன்னுடைய 67ஆவது திரைப்படத்தில் தற்போது நடித்து வருகின்றார். இப்படத்திற்கு அனிருத் இசையமைக்க 7 ஸ்கிரீன் ஸ்டுடியோஸ் நிறுவனம் தயாரிக்கின்றது. 

லோகேஷ் கனகராஜ் இயக்குகின்ற இந்த திரைப்படத்திற்கு தளபதி 67 என்று பெயர் வைக்கப்பட்டுள்ளது. இத்திரைப்படத்திற்கான பூஜை ஏற்கனவே நடைபெற்று விட்டது. ஆனால், இதுவரை படவேலைகள் ஆரம்பித்து விட்டதை பட குழு அறிவிக்கவே இல்லை.

சமீபத்தில் இயக்குனர் லோகேஷ் கனகராஜ் கோவையில் உள்ள தனியார் கல்லூரியில் மைக்கேல் படத்தின் விளம்பர நிகழ்ச்சியில் பங்கேற்றார். அப்போது விஜய் 67 குறித்து மாணவர்கள் எழுப்பிய கேள்விக்கு பிப்ரவரி மாதம் முதல் வாரத்தில் தளபதி 67 படத்தின் அப்டேட் வெளியாகும் என தெரிவித்திருந்தார்.

We at @7screenstudio officially...................................................................

Stay tuned,6:07 PM 🔥

— Seven Screen Studio (@7screenstudio) January 30, 2023

இந்த நிலையில் தளபதி 67 படத்தின் அப்டேட் குறித்து படக்குழு அதிகாரப்பூர்வமாக அறிவித்துள்ளது. அதன்படி இந்த படத்தை தயாரிக்கும் தயாரிப்பு நிறுவனமான செவன் ஸ்கிரீன் ஸ்டுடியோ நிறுவனம் தனது ட்விட்டர் பக்கத்தில் 'இன்று மாலை 6.07 மணி வரை காத்திருங்கள்' பதிவிட்டுள்ளனர். இதனையடுத்து விஜய் ரசிகர்கள் ட்விட்டரில் தளபதி 67 என ட்ரண்ட் செய்து வருகின்றனர்‌