அச்சச்சோ!!! 'சலார் 2' படம் தள்ளிப் போக இதுவா காரணம்...!

கடந்த 2023-ம் ஆண்டில், பிரபல நடிகர் பிரபாஸ் நடித்து பிரசாந்த் நீல் இயக்கத்தில் உருவாகிய 'சலார்' படம் வெளியாகி 'ஹிட்' அடித்தது. இந்த படம் ஆக்ஷன் கதைக்களத்தில் உருவானதால் ரசிகர்களால் பெரிதும் கொண்டாடப்பட்டது.

மேலும் தொடர் தோல்விகளால் துவண்டு போயிருந்த பிரபாசுக்கு 'கம்பேக்' படமாகவும் அமைந்தது.இதைத்தொடர்ந்து, 'சலார்' படத்தின் 2-ம் பாகம் ஏற்கனவே அறிவிக்கப்பட்டிருந்த நிலையில், விரைவில் இதன் படப்பிடிப்பு தொடங்கலாம் என்று எதிர்பார்க்கப்பட்டது.

இந்நிலையில் இப்படம் தள்ளிப்போகிறது என்ற தகவல் வெளியாகி ரசிகர்களை கவலையில் ஆழ்த்தி இருக்கிறது.பிரபாஸ் தற்போது மாருதி இயக்கத்தில் 'தி ராஜாசாப்' படத்திலும், முகேஷ்குமார் சிங் இயக்கத்தில் 'கண்ணப்பா' படத்திலும் தொடர்ந்து நடித்து வருகிறார்.

இதனையடுத்து 'ஹனு-மான்' படத்தை இயக்கிய பிரஷாந்த் வர்மா இயக்கத்தில் புதிய படத்தில் பிரபாஸ் நடிக்க போவதாகவும், இதன் காரணமாகவே 'சலார்-2' படத்தை அவர் தள்ளிவைத்துள்ளதாகவும் தெரிவிக்கப்டுகிறது.

மேலும் 'சலார்-2' படம் தள்ளிப்போனதற்கு படக்குழுவினருடன் பிரபாசுக்கு தகராறு ஏற்பட்டதாகவும் சினிமா வட்டாரத்தில் பேசப்பட்டு வருகிறது.