இன்று இரவு 7 மணிக்கு 'துணிவு' படத்தின் அசத்தல் அப்டேட்... என்ன தெரியுமா?

தமிழ் சினிமாவின் முன்னணி நடிகரான அஜித்குமார் தற்போது இயக்குனர் எச் வினோத் இயக்கத்தில் துணிவு திரைப்படத்தில் நடித்துள்ளார். இந்த திரைப்படத்தை பாலிவுட் தயாரிப்பாளர் போனி கபூர் தயாரித்துள்ளார்.

இந்த படத்தில் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் ஆகியோர் முக்கிய கதாப்பாத்திரங்களில் நடித்துள்ளனர். மேலும் இந்த திரைப்படத்திற்கு இசையமைப்பாளர் ஜிப்ரான் இசையமைத்துள்ளார்.

இந்த படத்தின் படப்பிடிப்புகள் அனைத்தும் முடிவடைந்த நிலையில், வரும் பொங்கலுக்கு வெளியாகவுள்ளாக படக்குழு அதிகாரப்பூர்வமாக அறிவித்துள்ளது.

இதனிடையே துணிவு படத்தின் முதல் பாடல் 'சில்லா சில்லா' மற்றும் 2வது பாடல் 'காசேதான் கடவுளடா' என்ற 2 பாடல்களும் வெளியாகி ரசிகர்களிடையே நல்ல வரவேற்பை பெற்றுள்ளது.

இந்த நிலையில் துணிவு திரைப்படத்தின் கேங்ஸ்டா எனத் தொடங்கும் 3வது பாடல் இன்று இரவு 7 மணிக்கு வெளியாக உள்ளதாக படக்குழு அறிவித்துள்ளது.