கோலிவுட் திரையுலகில் அதிக அளவில் சம்பளம் வாங்கும் நடிகைகளில் முதல் நடிகையாக இருப்பவர் நயன்தாரா. இவருக்கு அடுத்தபடியாக உள்ளவர் தமன்னா. நேற்று முன்தினம் சரவணா ஸ்டோர்ஸ் அருள் சரவணன் நடிப்பு மற்றும் தயாரிப்பில் உருவான தி லெஜண்ட் திரைப்படம் ஐந்து மொழிகளில் உலகம் முழுவதும் வெளியிடப்பட்டது. 

இப்படத்தில் நடித்த ஊர்வசியின் சம்பள விபரம் தொடர்பான தகவல் தற்போது வெளியாகி கோடம்பாக்கத்தை மீண்டும் அதிர வைத்துள்ளது. தி லெஜண்ட் படத்தில் நாயகியாக படக்குழு தேர்வு செய்தது சரவணா ஸ்டோர் விளம்பரத்தில் நடித்த ஹன்சிகா மற்றும் தமன்னா. இவர்களை நடிக்க வைக்கலாம் என்று முடிவெடுத்த நிலையில், அதற்கு அவர்கள் ஒப்புக்கொள்ளவில்லை. 

அதனை தொடர்ந்து, நயன்தாராவை கதாநாயகியாக நடிக்க வைக்க பேச்சுவார்த்தை நடந்தது. அவர் கோலிவுட் திரையுலகில் பல முன்னணி நட்சத்திரங்களுடன் கதாநாயகியாக நடித்து வருவதாகவும், அதனால் அருள் சரவணனுடன் நடிக்க இயலாது என்றும் தெரிவித்து விட்டதாக கூறப்படுகிறது. 

இந்த வாய்ப்பை பயன்படுத்திய ஊர்வசி ரௌடலா நயன்தாராவின் சம்பளத்தை விட தனக்கு இரு மடங்கு சம்பளம் என்று கேட்டு பெற்றுக் கொண்டதாகவும், இதனை அண்ணாச்சி வழங்கியதாகவும் கூறப்படுகிறது. அதாவது, நயன்தாரா 10 கோடி ரூபாய் சம்பளம் வாங்கி வந்த நிலையில், ஊர்வசிக்கு தி லெஜண்ட் படத்திற்காக 20 கோடி ரூபாய் சம்பளம் கொடுக்கப்பட்டுள்ளது. இந்த தகவல் வெளியாகி கோடம்பாக்கம் தயாரிப்பாளர்களை பதற வைத்துள்ளதாக தகவல் வெளியாகியுள்ளன.