தென்னிந்திய திரையுலகின் முன்னணி நடிகர் அஜித்குமார். கார் ரேஸிலும் சிறப்பாக செயல்பட்டு வருகிறார். விடாமுயற்சி திரைப்படத்தை தொடர்ந்து, தனது 63-வது படமான 'குட் பேட் அக்லி' படத்தில் நடித்து முடித்துள்ளார். 

ஆதிக் ரவிச்சந்திரன் இயக்கியுள்ள இப்படம் வருகிற ஏப்ரல் 10-ந் தேதி வெளியாக உள்ளது. இந்த படத்தில் அஜித்துடன்  திரிஷா, பிரசன்னா, சுனில், அர்ஜுன் தாஸ், பிரபு உள்ளிட்டோர் நடித்துள்ளனர். மைத்ரி மூவி மேக்கர்ஸ் நிறுவனம் தயாரிக்கும் இந்த படத்திற்கு ஜி.வி பிரகாஷ் இசையமைத்துள்ளார். 

சமீபத்தில் 'குட் பேட் அக்லி' படத்தின் டீசர் வெளியாகி வைரலானதோடு, அஜித் இந்த படத்தில்  மூன்று வெவ்வேறான தோற்றத்தில் அஜித் நடித்துள்ளதால் படத்தின் மீதான எதிர்பார்ப்பு அதிகமாகியுள்ளது.

இந்நிலையில், அஜித் 'குட் பேட் அக்லி' திரைப்படத்தை தொடர்ந்து அஜித்தின் 64 வது படத்தை யார் இயக்க போகிறார். என்ற எதிர்பார்ப்பு  நிலவியுள்ள நிலையில், நடிகரும் இயக்குனருமான தனுஷ் இயக்கத்தில் அஜித் நடிக்க வாய்ப்பிருப்பதாக தகவல் வெளியாகியிருந்தது. ஆனால் அதுவும் உறுதி செய்யப்படவில்லை.

இந்த நிலையில், அஜித்தின் அடுத்த படத்தையும் ஆதிக் ரவிச்சந்திரனே இயக்குவார் என புதிய தகவல் வெளியாகியுள்ளது. 'குட் பேட் அக்லி' திரைப்படம் வெளியான பிறகு, இந்த படம் குறித்த அறிவிப்பு வெளியாகும் என எதிர்பார்க்கப்படுகிறது.