டிஎன்பிஎஸ்சி ஒருங்கிணைந்த பொறியியல் பணிகளுக்கான தேர்வு தேதி மாற்றம்.!
TNPSC Exams june 2022
ஜூன் 26ம் தேதி டிஎன்பிஎஸ்சி ஒருங்கிணைந்த பொறியியல் பணிகளுக்கு நடைபெறவிருந்த தேர்வு ஜூலை 2ம் தேதிக்கு மாற்றம் செய்யப்பட்டுள்ளது.
இதுகுறித்து TNPSC செயலாளர் உமா மகேஸ்வரி வெளியிட்டுள்ள அறிவிப்பில், "ஜூன் 26-ல் நடைபெறும் என்று அறிவிக்கப்பட்ட ஒருங்கிணைந்த பொறியியல் பணிகளில் அடங்கிய பதவிகளுக்கான தேர்வு ஜூலை 2-ம் தேதிக்கு மாற்றம் செய்யப்படுகிறது"
இவ்வாறு அந்த அறிவிப்பில், TNPSC செயலாளர் உமா மகேஸ்வரி தெரிவித்துள்ளார்.
__________________________
மேலும் ஒரு அண்மை செய்தி : பிரபல தமிழ் நடிகர் சலீம் கவுஸ் (வயது 70) இன்று காலமானார்.
தமிழில் சின்னக் கவுண்டர், திருடா திருடா, வேட்டைக்காரன் உள்ளிட்ட திரைப்படங்களில் வில்லனாக நடித்த நடிகர் சலீம் கவுஸ் (வயது 70) இன்று காலமானார்.
தமிழ் மட்டுமில்லாமல் தெலுங்கு, ஹிந்தி உள்ளிட்ட பல படங்களில் வில்லனாக நடித்த சலீம் கவுஸ் (70) மும்பையில் இன்று காலமானார்.
தமிழகத்தில் பிறந்து வளர்ந்தவரான சலீம் அகமது கவுஸ் எனும் சலீம் கவுஸ் மேடை நாடகங்கள், டிவி சீரியல் நடித்தபின், 1978ல் ஸ்வர்க் நராக் என்ற ஹிந்தி படத்தின் மூலம் சினிமாவில் அறிமுகமானார்.
தமிழில் கமல்ஹாசன், பிரபு நடித்த 'வெற்றி விழா' படத்தில் 'ஜிந்தா' என்ற வில்லன் கதாபாத்திரத்தில் நடித்தார். தொடர்ந்து சின்னக் கவுண்டர், தர்மசீலன், திருடா திருடா, சீமான், ரெட், தாஸ், சாணக்யா, வேட்டைக்காரன் உள்ளிட்ட தமிழ் படங்களில் நடித்துள்ளார்.