சிறுவர்கள் முதல் பெரியவர்கள் வரை அனைவருக்கும் மாரடைப்பு வருகிறது. இதனை உணவு மூலம் எப்படி சரிசெய்யலாம்? அதிலும் குறிப்பாக மீன்கள் மூலம் எப்படி சரி செய்யலாம்? அவை எந்தெந்தெந்த மீன்கள் என்று இந்தப் பதிவில் காண்போம். 

* சூரை மீன்

சூரை மீன்களில் ஒமேகா-3 கொழுப்பு அமிலங்கள் அதிகமாக உள்ளன. இது, ரத்தக்குழாய்களில் தேங்கியுள்ள கெட்ட கொலஸ்ட்ராலின் தேக்கத்தைக் குறைத்து மாரடைப்பு ஏற்படும் அபாயத்தைக் குறைக்கும்.

* கானாங்கெளுத்தி மீன்

இந்த மீனிலும் ஒமேகா 3 கொழுப்பு அமிலங்கள் அதிகமாக உள்ளன. உலக அளவில் முக்கியமான மீனாக கருதப்படும் கானாங்கெளுத்தி மீன் மாரடைப்புக்கு எதிரியாக விளங்குகிறது.

* இறையன் மீன்

இறையன் மீன் எனப்படும் டிரவுட் மீனிலும் ஒமேகா-3 கொழுப்பு அமிலங்கள் நிறைந்துள்ளதால், உடலில் கெட்ட கொலஸ்ட்ரால் அளவை பெருமளவு குறைக்கிறது.

* வெங்கணா மீன்

வெங்கணை அல்லது வெங்கணா எனப்படும் ஹெர்ரிங் மீனில் ஈ.பி.ஏ. மற்றும் டி.எச்.ஏ. என்னும் இரண்டு வகையான அத்தியாவசிய கொழுப்பு அமிலங்கள் உள்ளன. இவை உடலினுள் ஏற்படும் வீக்கத்தை குறைக்க உதவுவதோடு, இதய ஆரோக்கியத்தை மேம்படுத்தவும் உதவுகின்றன. 

* மத்தி மீன்

மற்ற மீன்களை விட மத்தி மீனில் ஒமேகா-3 கொழுப்பு அமிலங்கள் மட்டுமின்றி, பாஸ்பரஸ், கால்சியம், பொட்டாசியம் போன்றவையும், இரும்புச் சத்து, செலினியம் போன்ற தாதுக்களும் அதிகமாக நிறைந்துள்ளன. இந்த மீனை சாப்பிடுவதால் இதய ஆரோக்கியம் மேம்படுவதோடு, ரத்த சர்க்கரை அளவும் குறையும்.