ஆயுத தொழிற்சாலையில் வெடி விபத்து - 13 பேர் படுகாயம்.!
13 peoples injured Ordnance factory blast in madhya pradesh
மத்திய பிரதேசம் மாநிலத்தில் உள்ள ஜபல்பூர் மாவட்டத்தில் கமாரியா பகுதியில் செயல்பட்டு வரும் ஆயுதத் தொழிற்சாலையில் எரிபொருள் நிரப்பும் பிரிவில் திடீரென வெடிவிபத்து ஏற்பட்டது.
இந்த வெடிவிபத்தில் பதினைந்து பேர் காயமடைந்தனர். இந்த விபத்துக் குறித்து தகவல் அறிந்து சம்பவ இடத்துக்கு விரைந்து வந்த தீயணைப்புத் துறையினர் காயமடைந்தவர்களை மீட்டு மருத்துவமனைக்கு அனுப்பி வைத்தனர்.
அவர்களில் மூன்று பேர் தீவிர சிகிச்சை பிரிவில் அனுமதிக்கப்பட்டுள்ளனர். இதற்கிடையே கட்டட இடிபாடுகளுக்குள் ஒருவர் சிக்கியிருக்கலாம் என்று கருதி தீயணைப்புத்துறையினர் தொடர்ந்து மீட்புப் பணியில் ஈடுபட்டுள்ளனர்.
மேலும், போலீசார் இந்த சம்பவம் குறித்து வழக்குப்பதிவு செய்து விசாரணை மேற்கொண்டு வருகின்றனர். இந்த ஆயுத தொழிற்சாலையானது மத்திய பாதுகாப்புத்துறையின் கீழ் உள்ள யந்திரா இந்தியா லிமிடெட் நிறுவனத்தால் நிர்வகிக்கப்படுவது குறிப்பிடத்தக்கது.
English Summary
13 peoples injured Ordnance factory blast in madhya pradesh