ஜம்மு காஷ்மீரில் பாதுகாப்பு படையினருக்கும் பயங்கரவாதிகளுக்கும் இடையே நடைபெற்ற துப்பாக்கி சண்டையில் 4 பயங்கரவாதிகள் சுட்டுக் கொல்லப்பட்டுள்ளதாக தகவல் வெளியாகி உள்ளது.

ஜம்மு காஷ்மீர் மாநிலம் குல்காம் மாவட்டத்தில் பயங்கரவாதிகள் நடமாட்டம் இருப்பதாக பாதுகாப்பு படையினருக்கு ரகசிய தகவல் கிடைத்தது. இதனால் அந்த பகுதியில் தீவிர சோதனையில் பாதுகாப்பு படையினர் ஈடுபட்டு வந்தனர்.

ரகசிய தகவலின் அடிப்படையில் பாதுகாப்பு படையினர் அப்பகுதியில் தீவிர தேடுதல் வேட்டையில் இறங்கினர். அங்குள்ள ஒரு கிராமத்தில் உள்ள வீட்டில் பயங்கரவாதிகள் பதுங்கி இருப்பதை கண்டுபிடித்த பாதுகாப்பு படையினர் கண்டுபிடித்தனர்.

#WATCH | J&K: Search operation by security forces underway in Kulgam as 4 terrorists have been neutralised and look out for others is on. Further details awaited.

(Visuals deferred by unspecified time) pic.twitter.com/d4zrASbuBS

— ANI (@ANI) July 7, 2024

பாதுகாப்பு படையினர் பயங்கரவாதிகள் இருக்கும் வீட்டு அருகே சென்று கொண்டிருந்தபோது பாதுகாப்பு படையினரை பார்த்த பயங்கரவாதிகள் துப்பாக்கி சூடு நடத்தியதாக கூறப்படுகிறது. பயங்கரவாதிகள் திடீரென நடத்திய துப்பாக்கி சூட்டியில் ஒரு பாதுகாப்பு படைவீரர் காயமடைந்தார்.

பின்னர் பதிலுக்கு பாதுகாப்பு படையினரும் துப்பாக்கி சூடு நடத்தினர். இரு தரப்பினருக்கும் இடையே பயங்கர துப்பாக்கி சண்டை நடைபெற்றது. காயம் அடைந்த பாதுகாப்பு படைவீரர் மருத்துவமனையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளதாக தகவல் வெளியாகி உள்ளது.

பாதுகாப்பு படையினர் பயங்கரவாதிகள் மீது நடத்திய துப்பாக்கிச் சூட்டில் நான்கு பயங்கரவாதிகள் கொல்லப்பட்டுள்ளதாக தகவல் தெரிவிக்கப்பட்டுள்ளது. தொடர்ந்து துப்பாக்கிச்சண்டை நடைபெற்று வருகிறது.