அயோத்தி நகரம் தீபாவளி பண்டிகையை முன்னிட்டு தீப உற்சவத்தின் மகத்தான பாரம்பரியத்தை வாழ்த்துக்களுடன் கொண்டாடியது. ராமர் கோயில் மற்றும் சரயு நதிக்கரை இருபத்து எட்டு லட்சம் விளக்குகளால் அலங்கரிக்கப்பட்டு கின்னஸ் சாதனையைப் பதிந்தது. ராமர் வனவாசத்திலிருந்து திரும்புவதை நினைவுகூர்ந்து, இதனை 5 நாட்கள் கொண்டாடும் வட இந்திய பாரம்பரியத்தில், இந்த தீப உற்சவம் தனித்துவமான இடம் பெறுகிறது.

இந்த பாரம்பரிய காட்சிக்காக, உத்தர பிரதேச அரசு தீவிர ஏற்பாடுகளை செய்தது. கோயில் மற்றும் சரயு நதிக்கரையின் 55 படித்துறைகளில் அகல் விளக்குகள் பிரகாசித்தன. மாசுவை குறைக்க கோயிலுக்கு வெளியே மெழுகு விளக்குகள் மட்டும் பயன்படுத்தப்பட்டன. 30,000 தன்னார்வலர்கள் இந்த பிரம்மாண்ட நிகழ்வில் பங்கேற்று ஒளிமயமான காட்சியை உருவாக்கினர். கின்னஸ் உலக சாதனை அமைப்பைச் சேர்ந்த 30 பேர் குழு, டிரோன் மூலம் விளக்குகளை எண்ணி, புதிய சாதனையை பதிவு செய்தனர்.

இதைத் தொடர்ந்து, 1,100 புரோகிதர்கள் சரயு நதிக்கரையில் ஆரத்தி எடுத்த நிகழ்ச்சி மக்களை அசத்தியது. இந்நிகழ்வில் உத்தர பிரதேச முதல்வர் யோகி ஆதித்யநாத், மத்திய கலாச்சாரத்துறை அமைச்சர் கஜேந்திர சிங் செகாவத் ஆகியோர் உட்பட பல முக்கிய அரசியல் தலைவர்களும் கலந்துகொண்டனர். சோபா யாத்ரா நிகழ்ச்சி மற்றும் 6 நாடுகள் மற்றும் 16 இந்திய மாநிலங்களைச் சேர்ந்த கலைஞர்கள் வழங்கிய கலை நிகழ்ச்சிகள் பார்வையாளர்களுக்கு ஆழமான அனுபவத்தை அளித்தன.

தீப உற்சவத்தை முன்னிட்டு, பாதுகாப்பிற்காக 10,000 போலீஸார் பணியில் ஈடுபடுத்தப்பட்டனர். தாங்கள் வருகை புரிந்த பல்லாயிர கணக்கான பக்தர்கள் அலங்கரிக்கப்பட்ட அயோத்தியின் அழகிய காட்சியைக் காண ஆங்காங்கே எல்இடி திரைகளில் ஒளிபரப்புகள் ஏற்பாடு செய்யப்பட்டிருந்தன.