ஆந்திரா | நூற்றுக்கும் மேற்பட்ட மாணவா்கள் போலிச் சான்றிதழ் மூலம் சோ்க்கை: பள்ளியின் முதல்வர் கைது!

விசாகப்பட்டினத்தில் உள்ள கேந்திரிய வித்யாலயா பள்ளியின் முதல்வரை, போலிச் சான்றிதழ்கள் அடிப்படையில் 193 மாணவ-மாணவிகளை பள்ளியில் சேர்த்ததாக தெரிவித்து சிபிஐ கைது செய்தது.

இது தொடர்பாக சிபிஐ அதிகாரிகள் தெரிவித்திருப்பதாவது, ''ஆந்திரா விசாகப்பட்டினத்தில் உள்ள கேந்திரிய வித்யாலயா பள்ளியின் முதல்வர் சீனிவாச ராஜா என்பவர் 2021-22 ஆம் ஆண்டில் 69 மாணவர்களையும் 20223 ஆண்டில் 124 மாணவர்களையும் மொத்தம் 193 மாணவர்களை போலிச் சான்றிதழ் மூலம் பள்ளியில் சேர்த்துள்ளார்.

இதற்காக மாணவ-மாணவிகளின் பெற்றோரிடம் லஞ்சம் பெற்றுள்ளார் என்பதும் விசாரணையில் தெரிய வந்தது. மேலும் லஞ்ச பணத்தை எஸ்.பி.ஐ வங்கி மற்றும் யூனியன் வங்கிகளில் உள்ள அவரது வங்கி கணக்கில் செலுத்த பெற்றோரிடம் தெரிவித்துள்ளார்.