ஜம்மு காஷ்மீரில் தீவிரவாதிகள் பதுக்கி வைத்திருந்த ஆயுதங்கள், வெடிமருந்துகள் பறிமுதல்.!

ஜம்மு காஷ்மீரில் தீவிரவாதிகள் பதுக்கி வைத்திருந்த ஆயுதங்கள், வெடிமருந்துகள் பாதுகாப்பு படையினர் பறிமுதல் செய்துள்ளனர்.

ஜம்மு காஷ்மீர் மாநிலம் பூஞ்ச் மாவட்டத்தில் பயங்கரவாதிகள் ஆயுதங்களை மறைத்து வைத்திருப்பதாக பாதுகாப்பு படையினருக்கு தகவல் கிடைத்ததுள்ளது. இந்த தகவலையடுத்து, பாதுகாப்பு படையினர், காஷ்மீர் போலீசாருடன் இணைந்து தீவிர தேடுதல் வேட்டையில் ஈடுபட்டனர்.

அப்பொழுது பூஞ்ச் மாவட்டத்தின் சூரன்கோட் என்ற பகுதியில் பாதுகாப்பு படையினர் தேடுதல் வேட்டையின்போது பதுங்கு குழியில் பயங்கரவாதிகள் மறைத்து வைத்திருந்த ஒரு கைத்துப்பாக்கி, 4 கைக்யெறி குண்டுகள், 3 ஏகே-47 துப்பாக்கி மற்றும் வெடிமருந்துகள் உள்ளிட்ட ஆயுதங்களை கைப்பற்றினர்.

ஆனால் இந்த சம்பவம் தொடர்பாக யாரும் கைது செய்யப்படவில்லை என போலீசார் தரப்பில் தெரிவிக்கப்பட்டுள்ளது.