அமிர்தசரஸ்: இந்திய எல்லைக்குள் நுழைந்த பாகிஸ்தான் ட்ரோன்.! சுட்டு வீழ்த்திய எல்லை பாதுகாப்பு படை.!

பஞ்சாப் மாநிலம் அமிர்தசரஸ் மாவட்டத்தில் பாகிஸ்தானில் இருந்து இந்திய எல்லைக்குள் ஊடுருவிய ஆளில்லா விமானத்தை எல்லை பாதுகாப்புப் படையினர் சுட்டு வீழ்த்தியுள்ளனர்.

பஞ்சாப் அமிர்தசரஸ் நகருக்கு வடக்கே 40 கிலோமீட்டர் தொலைவில் உள்ள சாஹர்பூர் கிராமத்திற்கு அருகே இந்திய எல்லைக்குள் பாகிஸ்தான் ஆளில்லா விமானம் (ட்ரோன்) ஒன்று நேற்று இரவு நுழைந்துள்ளது. இதை கவனித்த எல்லை பாதுகாப்பு வீரர்கள் ஆளில்லா விமானத்தை நோக்கி துப்பாக்கியால் சுட்டு வீழ்த்தினார்.

இதையடுத்து தேடுதல் நடவடிக்கையின் போது சாஹர்பூர் கிராமத்திற்கு அருகில் உள்ள எல்லை வேலியின் விவசாய வயலில் ஒரு பகுதி சேதமடைந்த நிலையில் ஆளில்லா விமானம், அதன் அடியில் இணைக்கப்பட்டிருந்த வெள்ளை நிற பாலிதீனில் ஒரு சந்தேகத்துக்குரிய பொருளுடன் மீட்கப்பட்டதாக அதிகாரிகள் தெரிவித்துள்ளனர்.

மேலும் ஆளில்லா விமானம் போதைப்பொருளை ஏற்றிச் சென்றதாக சந்தேகிக்கப்படுவதாகவும், அதன் உள்ளடக்கங்கள் கண்டறியப்பட்டு வருவதாகவும் அதிகாரி ஒருவர் தெரிவித்துள்ளார்.