#பஞ்சாப் || பாகிஸ்தான் டிரோனை சுட்டு வீழ்த்திய எல்லை பாதுகாப்பு படையினர்...!

பஞ்சாப் மாநிலத்தில் பாகிஸ்தான் ஆளில்லா விமானத்தை எல்லை பாதுகாப்பு படையினர் சுட்டு வீழ்த்தினார்.

பஞ்சாப் மாநிலத்தின் குர்தாஸ்பூரில் உள்ள சர்வதேச எல்லை அருகே வழக்கமாக பாதுகாப்பு பணியில் எல்லை பாதுகாப்பு படையினர் ஈடுபட்டிருந்தனர். அப்பொழுது பாகிஸ்தானில் இருந்து இந்தியாவுக்குள் ஆளில்லா விமானம் ஒன்று ஊடுருவியது. இதை கண்காணித்த எல்லை பாதுகாப்பு படையினர் பாகிஸ்தான் ஆளில்லா விமானத்தை சுட்டு வீழ்த்தினர்.

இதைத்தொடர்ந்து, சுட்டு வீழ்த்தப்பட்ட பாகிஸ்தான் ஆளில்லா விமானம், தேரா பாபா நானக் கிராமத்தில் வயலில் அறுவடை செய்யும்போது கிராம மக்களால் கண்டுபிடிக்கப்பட்டது. மேலும் கடந்த ஒரு வாரத்திற்கு முன்பு அமிர்தசரஸ் மாவட்டத்தில் உள்ள தானோ கலன் அருகே சுட்டு வீழ்த்தப்பட்ட பாகிஸ்தான் ஆளில்லா விமானத்திலிருந்து போதைப்பொருள் பாக்கெட்டுகள் மீட்கப்பட்டன.