பிரதமர் நரேந்திர மோடி தலைமையில் டெல்லியில் நடைபெற்ற மத்திய அமைச்சரவை கூட்டத்தில், "ஒரே நாடு ஒரே தேர்தல்" மசோதாவுக்கு ஒப்புதல் வழங்கப்பட்டுள்ளது.

மசோதா, மக்களவை, மாநில சட்டப்பேரவை, மற்றும் உள்ளாட்சி அமைப்புகளுக்கு ஒரே கட்டமாக தேர்தல் நடத்துவதை நோக்கமாகக் கொண்டுள்ளது. இந்த மசோதா 2029 முதல் செயல்படுத்தப்படும் என திட்டமிடப்பட்டுள்ளது.

மசோதா, அடுத்த வாரம் நாடாளுமன்றத்தில் தாக்கல் செய்யப்படும் என எதிர்பார்க்கப்படுகிறது.தாக்கலான பிறகு, நாடாளுமன்றத் தேர்வுக்குழு பரிசிலனை செய்ய அனுப்பப்படும்.

"ஒரே நாடு ஒரே தேர்தல்" மசோதாவுக்கு பல்வேறு அரசியல் கட்சிகள் கடும் எதிர்ப்பை பதிவு செய்துள்ளன.மசோதா, மாநில அரசுகளின் தன்னாட்சி மற்றும் தேர்தல் உரிமையில் சவால்களை ஏற்படுத்தும் என்ற விமர்சனங்கள் எழுந்துள்ளன.

மசோதா நாடாளுமன்றத்தில் தாக்கலான பின்னர், இது அரசியல் பரப்பில் தீவிர விவாதங்களை தூண்டும் என்று கருதப்படுகிறது. மத்திய அரசின் இந்த முடிவை எதிர்க்கட்சிகள் எப்படி எதிர்கொள்ளும் என்பதும் குறிப்பிடத்தக்கது.

இந்த மசோதா நாட்டின் தேர்தல் அமைப்பில் அடிப்படை மாற்றம் செய்யும் நோக்கத்தில் வருவதாகக் கருதப்படுகிறது, ஆனால் இதன் செயல்திறன் மற்றும் அரசியல் தாக்கம் குறித்த விவாதங்கள் தொடர்ந்து நிலவும்.