ஆந்திரா, குண்டூரை சேர்ந்தவர்கள் ராய நாகேஸ்வர ராவ் மற்றும் ராய வெங்கடேஸ்வர ராவ். இவர்கள் இருவரும் பிரகாசம் பகுதியில் உள்ள உறவினர் வீட்டு நிகழ்ச்சியில் கலந்து கொள்வதற்காக நேற்று காரில் சென்றனர். 

நாகேஸ்வரராவ் காரை ஓட்டி சென்றார். நிகழ்ச்சி முடிந்து விட்டது மீண்டும் இருவரும் குண்டூர் நோக்கி காரில் வந்து கொண்டிருந்தார். 

அனந்தபூர்0-அமராவதி தேசிய நெடுஞ்சாலை கார் திடீரென ஓட்டுநரின் கட்டுப்பாட்டை இழந்து எதிரே வந்த ஆட்டோ மீது வேகமாக மோதியது. 

இதில் ஆட்டோ சுமார் 10 அடி தூரத்தில் தூக்கி வீசப்பட்ட நிலையில் கீழே விழுந்தது. இந்த பயங்கர விபத்தில் நாகேஸ்வரராவ், வெங்கடேஷ்வரா, ஆட்டோ ஓட்டுனர் ஆகியோர் உடல் நசங்கி சம்பவ இடத்திலேயே உயிரிழந்து விட்டனர். 

இது குறித்து தகவல் அறிந்த போலீசார் சம்பவ இடத்திற்கு விரைந்து சென்று உயிருக்கு போராடியவர்களை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். 

அங்கு அவர்களுக்கு சிகிச்சை அளிக்கப்பட்டு வந்த நிலையில் ஆட்டோவில் பயணம் செய்த 8 பேரில் 3 பேர் சிகிச்சை பலனின்றி பரிதாபமாக உயிர் இழந்துவிட்டனர். 

மேலும் 3 கல்லூரி மாணவர்கள் மருத்துவமனையில் தீவிர சிகிச்சை பெற்று வருகின்றனர். இது தொடர்பாக போலீசார் வழக்கு பதிவு செய்து விசாரணை நடத்தி வருகின்றனர்.