விவசாயிகளுக்கு குட் நியூஸ் - கரும்பு கொள்முதல் விலை உயர்வு.!
central government rise sugarcane fair price
நாட்டில் கரும்பு கொள்முதல் விலை 8 சதவீதம் வரை உயர்த்தப்படுவதாக அறிவிக்கப்பட்டுள்ளது. இந்த விலை 2024-25 நிதியாண்டிற்கானது ஆகும். இந்த புதிய விலை உயர்வு அக்டோபர் மாதம் அமலுக்கு வர உள்ளது. தற்போதைய அறிவிப்பின் படி கரும்பு கொள்முதல் விலை குவிண்டாலுக்கு ரூ. 315-இல் இருந்து ரூ. 340 ஆக அதிகரிக்கப்பட்டுள்ளது.
இது குறித்து பேசிய மத்திய அமைச்சர் அனுராக் தாக்கூர், "விவசாயிகள் நலன் மற்றும் விவசாயத்தை மேம்படுத்தும் நோக்கத்திலேயே எங்களது அரசு இயங்கி வருகிறது. வரவிருக்கும் கரும்பு சீசன் அக்டோபர் 1, 2024 அன்று துவங்குகிறது.
அதன்படி அக்டோபர் 1-ம் தேதியில் இருந்து செப்டம்பர் 30, 2025 ஆண்டு வரை புதிய விலை அமலில் இருக்கும். கடந்த ஆண்டு கரும்பு கொள்முதல் விலை ஒரு குவிண்டாலுக்கு ரூ. 315 ஆக இருந்த நிலையில், 2024-25 நிதியாண்டில் இந்த விலை ரூ. 340 ஆக உயர்த்தப்படுகிறது" என்று தெரிவித்தார்.
English Summary
central government rise sugarcane fair price