விண்ணில் பாய இருக்கும் சந்திரயான்-3 - நாளை கவுன்டவுன் ஆரம்பம்.!
chandrayan 3 countown start at tomarrow
விண்ணில் பாய இருக்கும் சந்திரயான்-3 - நாளை கவுன்டவுன் ஆரம்பம்.!
பூமியில் இருந்து 3 லட்சத்து 84 ஆயிரம் கிலோ மீட்டர் தொலைவில் இருக்கும் நிலவு குறித்து ஆய்வு செய்ய ரூ.615 கோடி செலவில் சந்திரயான்-3 என்றத் திட்டம் அறிவிக்கப்பட்டது. தற்போது அதற்கான பணியை இஸ்ரோ விஞ்ஞானிகள் நிறைவு செய்துள்ளனர்.
இந்தச் சந்திரயான்-3 விண்கலம் தற்போது எல்.வி.எம். 3 ராக்கெட் என்று அழைக்கப்படும் ஜி.எஸ்.எல்.வி. மார்க்-3 ராக்கெட்டில் பொருத்தப்பட்டு ஆந்திர பிரதேச மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து வரும் 14-ந்தேதி விண்ணில் ஏவப்பட உள்ளது.
இந்த நிலையில், சந்திரயான் - 3 திட்டத்திற்கான கவுண்ட்டவுன் நாளை தொடங்கும் என்று இஸ்ரோ அறிவித்துள்ளது. இதுகுறித்து இஸ்ரோ விஞ்ஞானிகள், சந்திரயான் - 3 திட்டத்திற்கான கவுண்ட்டவுன் 26 மணி நேரம் இருக்கும் என்றுத் தெரிவித்துள்ளனர்.
மேலும், இது தொடர்பாக சந்திரயான்-1-ன் திட்ட இயக்குநர் டாக்டர் மயில்சாமி அண்ணாதுரை தெரிவித்துள்ளதாவது:- "சந்திரயான் வெற்றி சர்வதேச அளவில் மிகப்பெரிய தாக்கத்தை ஏற்படுத்தும். இந்தியா தேசிய அளவில் முக்கியத்துவமான பங்கை ஆற்றி வருகிறது. ஆகவே இந்த பணி மிக மிக முக்கியமானது என்றுத் தெரிவித்துள்ளார்.
English Summary
chandrayan 3 countown start at tomarrow